Zozye 1:17 - Labib An Kreol Seselwa

¹⁷ Nou pou obei ou parey nou'n obei Moiz. SENYER, ou Bondye ava avek ou parey i ti avek Moiz!

Zozye 1:17 ပူးပေါင်းရင်းမြစ်များ

2 Samyel 14:17

Annefe, mon ti dir: Mon krwar ki parol ki mon senyer lerwa ava dir, ava ede pour fer lape. Mon senyer lerwa i parey en mesaze Bondye ki fer diferans ant lebyen ek lemal. Mon swete ki SENYER ou Bondye i ava avek ou.”

1 Rwa 1:37

SENYER pou avek Salomon parey i'n avek mon senyer lerwa; i pou fer son renny vin pli gran ki pour ou, mon senyer lerwa.”

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

Psonm 20:1

SENYER ava reponn ou ler ou dan lapenn. Bondye Zakob ava protez ou.

Psonm 20:4

I ava akord ou sa ki ou leker i dezire e realiz tou ou bann plan.

Psonm 20:9

SENYER! Donn lerwa laviktwar. Reponn nou ler nou apel ou.

Nonm 27:18

SENYER ti dir Moiz, “Pran Zozye, garson Noun, en zonm ki mon lespri i lo li. Enpoz ou lanmen lo son latet.

Nonm 27:20

Donn li en par ou lotorite pour ki Izrael i obei li.

Matye 21:9

Lafoul ki ti mars devan Zezi ek bann ki ti swiv deryer, ti kriye: Ozana pour Garson David! I ganny beni sa enn ki pe vini lo non Senyer! Ozana dan lesyel!

Deterononm 34:9

Zozye, garson Noun, ti ranpli avek lasazes. Annefe, Moiz ti'n poz son lanmen lo li. Bann Izraelit ti obei li e fer tou sa ki SENYER ti'n komande par lentermedyer Moiz.

Zozye 1:16

Zot ti reponn Zozye, “Nou pou fer tou sa ki ou'n ordonn nou; e kot ou anvoy nou, nou pou ale.

Zozye 1:18

Sa ki revolte e ki dezobei ou lord e pa obei tou ou parol, pou ganny touye. Reste for e pran kouraz.”

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 4:14

Sa ki SENYER ti fer sa zour, ti fer pep Izrael antye ganny gran respe pour Zozye, parey zot ti respekte Moiz toultan son lavi.

1 Samyel 17:37

David ti dir ankor, “SENYER ki'n delivre mwan dan grif lyon ek grif lours, pou delivre mwan osi dan lanmen sa Filisten.” Sail ti dir David, “Ale! Mon swete ki SENYER ava avek ou!”

1 Samyel 20:13

Me si mon papa i anvi fer ou ditor, mon ava osi fer ou konnen, e mon ava les ou al anpe. SENYER ava avek ou parey i ti avek mon papa.