Zonas 3:5 - Labib An Kreol Seselwa

⁵ Bann zabitan Niniv ti krwar dan Bondye. Zot ti proklanm en zenn. Depi sa ki pli ris ziska sa ki pli pov ti met lenz dey.

Zonas 3:5 ပူးပေါင်းရင်းမြစ်များ

2 Rwa 19:1

Kan lerwa Ezekyas ti antann sa rapor, i ti desir son lenz; i ti kouver li dan lenz dey, e al dan tanp SENYER.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Ester 4:1

Kan Mardose ti tande tou sa ki ti'n ganny fer, i ti desir son lenz, met lenz dey ek lasann. I ti al partou dan lavil e pous bann kriy gro douler.

Egzod 33:6

Alor, depi montanny Horeb, pep Izrael ti retir tou lenz lafet.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zeremi 36:9

Dan senkyenm lannen ki Zoyakim, garson Zozyas ti lerwa Zida, dan nevyenm mwan, en seremoni zenn ti ganny proklanmen pour lepep ki reste Zerizalenm ek tou bann pep sorti dan bann lavil Zida.

Zeremi 42:1

Apre sa, tou bann sef, Yohanann, garson Karea e Azarya, garson Osaya ek tou lepep, depi pli pti ziska pli gran, ti al

Zeremi 42:8

Alor, Zeremi ti konvok Yohanann, garson Karea, tou bann sef gerye ki ti avek li e tou lezot dimoun, pti koman gran.

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Zonas 3:7

I ti fer proklanm dan Niniv antye: Par lord lerwa ek son bann zofisye: Tou zabitan, tou zannimo, tou troupo napa drwa ni manze, ni bwar.

Matye 12:41

Zour Zizman, bann zabitan Niniv pou leve kont sa zenerasyon ki zot ava kondannen. Annefe, bann zabitan Niniv ti repanti kan zot ti antann mesaz Zonas. Me isi, i annan en dimoun ki pli gran ki Zonas!

Levanzil dapre Lik 11:32

Zour zizman, bann zabitan Niniv pou leve kont sa zenerasyon ki zot ava kondannen. Annefe, bann zabitan Niniv ti repanti kan zot ti antann mesaz Zonas. Me isi, i annan enn ki pli gran ki Zonas.”

Akt de Zapot 27:25

Alor, mon bann zanmi! Pran kouraz, akoz mon annan konfyans dan Bondye. Tou pou pas parey i'n dir mwan.

Akt de Zapot 8:10

Tou dimoun, pli pti ziska pli gran, ti montre bokou lentere pour li. Zot ti dir: Sa zonm i li menm manifestasyon pwisans Bondye ki zot apel Gran Pouvwar.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.