Zonas 1:17 - Labib An Kreol Seselwa

¹⁷ SENYER ti fer en gro pwason anval Zonas ki ti reste dan vant sa pwason pandan trwa zour ek trwa nwit.

Zonas 1:17 ပူးပေါင်းရင်းမြစ်များ

Zenez 1:21

Alor, Bondye ti kree osi bann gran mons maren ek tou lespes kreatir ki viv dan delo. I ti osi kree tou zwazo avek lezel dapre sak lespes. Bondye ti war ki sa ti bon.

Zonas 2:10

SENYER ti donn lord sa pwason e sa pwason ti al vomi Zonas ater.

Zonas 4:6

SENYER Bondye ti fer en plant pouse. Sa plant ti pous par lao Zonas e donn li lonbraz pour soulaz li. Alor, Zonas ti byen kontan.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Matye 12:40

Annefe, parey Zonas ti pas trwa zour ek trwa nwit dan vant balenn, Fis-de-Lonm pou pas trwa zour ek trwa nwit dan vant later.

Matye 16:4

Sa zenerasyon move e adilter, i demann en siny! Me zot pa pou ganny okenn siny, eksepte siny Zonas.” Apre, Zezi ti kit zot.

Levanzil dapre Lik 11:30

Annefe, parey ki Zonas ti en siny pour bann zabitan Niniv, Fis-de-Lonm pou vin en siny pour sa zenerasyon.