Zoel 3:8 - Labib An Kreol Seselwa

⁸ Mon pou vann zot zennzan ek zot zenn fiy avek zabitan Zida, ki apre, pou vann zot avek bann Sabeen, en pep ki reste lwen avek zot. SENYER ki'n deklare.

Zoel 3:8 ပူးပေါင်းရင်းမြစ်များ

Liv Zob 1:15

En bann voler sorti dan Sid ti atak zot. Zot ti pran tou sa ki zot ti annan, e masakre ou bann serviter. Zis mwan ki'n sape pour vin donn ou sa nouvel.”

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Ezekyel 23:42

Ti annan tapaz selebrasyon en lafoul ensousyan, bann zonm soular tou kalite. Zot ti'n vini sorti dan dezer; zot ti met brasle lo lebra sa de fanm ek zoli kouronn lo latet.

Ezekyel 38:13

Zabitan Saba ek Dedann, marsan Tarsis ek son bann vilaz otour li pou demann ou: Eski ou'n vin zis pour depouy nou avek nou bann larises? Ou'n rasanble ou troup pour depouy nou, pour pran nou lor ek nou larzan, nou bann troupo ek tou nou byen pour anmenn en gran kantite depouy lager avek ou?

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 4:2

Alor, SENYER ti vann zot avek Yavin, lerwa Kanaan, ki ti renny Asor. Sisera ti son sef larme. I ti pe reste Haroset-Goim.

Ziz 4:9

Debora ti reponn, “Mon pou vin avek ou. Me lo sa semen kot ou pe ale, pa ou ki pou ganny laglwar. Annefe, SENYER in livre Sisera dan lanmen en fanm.” Alor, Debora ti al avek Barak dan lavil Kedes.