Zoel 3:7 - Labib An Kreol Seselwa

⁷ Me aprezan, mon pou retir zot la kot zot in ganny vann. Mon pou fer zot forfe retonm lo zot.

Zoel 3:7 ပူးပေါင်းရင်းမြစ်များ

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Ezai 11:12

I pou lev en bannyer pour bann nasyon, reinir bann ki dan Izrael e rasanble pep Zida disperse dan kat kwen later.

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Ezai 66:6

Ekout sa tapaz ki sorti dan lavil! En lavwa ki sorti dan tanp! Se lavwa SENYER: I pe rann son bann lennmi sa ki zot merite!

Zeremi 23:8

me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Zoel 3:4

Zabitan Tir, Sidon ek bann rezyon Filisten! Ki zot oule avek mwan? Zot oule revanze? Alor, mon pou fer zot vanzans retonm lo zot.

Zakari 9:13

Zida ki pou redi mon lark; Efraim ki pou tir mon fles. Mon pou eksit bann zanfan Siyon kont bann zanfan ki reste Lagres. Mon pou fer ou vin parey lepe en vayan gerye.

Matye 7:2

Bondye pou ziz ou parey ou ziz lezot, e i pou servi avek ou, menm mezir ki ou'n servi anver zot.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

1 Samyel 15:33

Samyel ti dir, “Parey ou lepe in priv bann fanm zot zanfan, ou manman osi i ava san zanfan parmi sa bann fanm.” Samyel ti koup Agag an morso devan SENYER, dan Gilgal.