Zoel 3:4 - Labib An Kreol Seselwa

⁴ Zabitan Tir, Sidon ek bann rezyon Filisten! Ki zot oule avek mwan? Zot oule revanze? Alor, mon pou fer zot vanzans retonm lo zot.

Zoel 3:4 ပူးပေါင်းရင်းမြစ်များ

2 Kronik 21:16

SENYER ti revey lespri bann Filisten, bann Arab ki ti vwazen avek bann Etyopyen, pour fer lager kont Yoranm.

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Ezai 34:8

I en zour vanzans pour SENYER; en lannen regle kont dan faver Siyon.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Zeremi 47:1

Avan ki lerwa Lezip ti atak Gaza, SENYER ti koz avek profet Zeremi konsernan bann Filisten.

Zeremi 47:4

Sa i akoz sa zour pe vini kan SENYER pou detri bann Filisten. Pa pou annan personn pour ed bann lavil Tir ek Sidon. SENYER pe fer ravaz kot bann zabitan Kaftor.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Zoel 2:10

Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Matye 11:21

Zezi ti dir: Maler lo ou Korazin! Maler lo ou Betsayda! Si bann mirak ki'n ganny fer kot zot, ti'n ariv dan lavil Tir ek Sidon, lontan zot bann zabitan ti ava'n met lenz dey e kouver zot avek lasann.

Matye 11:22

Pour sa rezon, mon dir zot ki zour zizman, Tir ek Sidon pou ganny trete mwen severman ki zot.

Levanzil dapre Lik 10:13

Maler lo ou Korazin! Maler lo ou Betsayda! Si bann mirak ki'n ganny fer kot zot ti'n ariv dan lavil Tir ek Sidon, depi lontan zot bann zabitan ti ava'n met lenz dey, e kouver zot avek lasann.

Levanzil dapre Lik 10:14

Pour sa rezon, zour zizman, Bondye pou mwen sever anver Tir ek Sidon ki anver zot.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

Ziz 11:12

Zefte ti anvoy bann mesaze kot lerwa bann Amonit, pour demann li, “Ki mon'n fer ou pour ki ou vin atak mon pei?”