Zoel 3:2 - Labib An Kreol Seselwa

² Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Zoel 3:2 ပူးပေါင်းရင်းမြစ်များ

2 Kronik 20:26

Katriyenm zour, zot ti rasanble dan vale Beraka, pou remersye SENYER. Pour sa rezon, sa landrwa, ziska ozordi, i apel Beraka, savedir, remersiman.

Ezai 66:16

Annefe, SENYER pou egzekit son zizman dan dife e son pinisyon pour lo tou dimoun; SENYER pou masakre en kantite zot!

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 25:31

Son lavwa pou rezonnen dan tou kwen later. SENYER in ouver en prose kont bann nasyon. I pou apel tou dimoun devan tribinal pour zizman. Bann malfeter pou ganny masakre, SENYER i deklare.

Zeremi 49:1

Lo size bann Amonit, la sa ki SENYER i dir: Akoz eski Milkonm in pous Gad e pran son teritwar? Akoz eski zabitan Amonn pe okip bann lavil Gad? Eski Izrael napa okenn desandan ni zeritye?

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Ezekyel 25:8

La sa ki Senyer BONDYE i deklare: Akoz Moab ek Seir in dir: Pep Zida i parey tou lezot nasyon,

Ezekyel 34:6

Mon troupo in disperse partou dan bann montanny ek kolin. I'n disperse partou dan pei antye. Personn pa pran swen avek li; personn pa rod li.

Ezekyel 35:10

Akoz ou ti dir: Mon pou pran sa de nasyon, mon pou fer sa de pei vin mon posesyon, menm si SENYER ti la.

Ezekyel 36:1

Ou ki en imen, profetiz lo bann montanny Izrael. Dir zot: Montanny Izrael! Ekout parol SENYER.

Ezekyel 36:5

Alor, la sa ki Senyer BONDYE i deklare: Avek tou pasyon mon lakoler, mon pronons bann menas kont lezot nasyon e kont Edonm antye. Dan lazwa e san kanmi, sa bann nasyon, zot in pran mon pei e depouy li.

Ezekyel 38:22

Dan mon zizman kont li, mon pou anvoy lepidemi, zot ava ganny masakre; mon pou anvoy gro lapli ek lagrel, dife ek souf lo zot larme e lo tou zot bann alye.

Ezekyel 39:11

Sa zour la, mon pou swazir en landrwa dan Izrael pour anter Gog, dan vale bann vwayazer, dan Les lanmer Mor. Sa latonm pou bar semen bann vwayazer. Gog ek tou son larme pou ganny antere la e zot pou apel sa landrwa Vale larme Gog.

Zoel 3:12

Bann nasyon, bouze! Mont dan vale Zozafat. La, mon pou asize, pour mwan ziz tou bann nasyon dan zalantour.

Zoel 3:14

Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Amos 1:11

La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Mise 4:12

Me zot pa konn plan SENYER; zot pa konpran son proze. In rasanble zot parey pake dible la kot zot ganny bate.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Revelasyon 11:18

Bann nasyon ti met zot ankoler. Me aprezan, ou lakoler ki'n monte. Letan pour ziz bann mor in arive. Letan pour rekonpans ou bann serviter bann profet, tou bann ki pour ou, e ki annan respe pour ou non, gran koman pti, in arive. Letan pour detri bann ki detri later, in arive!

Revelasyon 16:14

Annefe, sa i bann lespri demon ki fer bann siny. Zot ti al kot bann lerwa lo later, pour rasanble zot pour konbat kan sa gran zour Bondye Toupwisan pou arive.

Revelasyon 16:16

Bann lespri ti rasanble bann lerwa dan en landrwa ki apel Harmagedon dan lalang Ebre.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Revelasyon 20:8

I pou sorti pour tronp bann nasyon dan tou kwen later, Gog ek Magog, pour rasanble zot pour lager. Zot pou osi nonbre ki disab lo bor lanmer.