Zoel 3:19 - Labib An Kreol Seselwa

¹⁹ Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Zoel 3:19 ပူးပေါင်းရင်းမြစ်များ

Psonm 137:7

SENYER! Pa oubliy sa ki bann Edomit ti dir zour Zerizalenm ti tonbe. Zot ti dir: Kraz sa lavil! Kraz sa lavil! Kraz li ziska son fondasyon!

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Zeremi 49:17

Edonm pou vin en ta debri; bann pasan pou soke e soufle avek degou ler zot ava war sa dega ki'n arive.

Zeremi 51:35

Zabitan Zerizalenm i dir: Babilonn i devret ganny rekonnet koman sel responsab pour vyolans ki i'n fer kont nou. Bann zabitan Zerizalenm i dir: Babilonn i devret ganny rekonnet sel responsab pour tou sa ki nou'n soufer.

Lamantasyon 4:21

Nou swete ki bann zabitan Edonm ek Our ava zwaye; zot ava fer lafet. Me mon pou pas lakoup avek zot osi; zot pou sou e zot pou ekspoz zot touni.

Abdyas 1:1

Vizyon Abdyas. La sa ki Senyer BONDYE i dir lo size Edonm: Senyer BONDYE i anvoy son mesaze kot bann nasyon e nou'n antann son mesaz: Annou met nou pare! Annou al atak Edonm!

Habakouk 2:17

Vyolans kont Liban pou tourn kont ou; destriksyon bann zannimo pou fer ou per akoz disan imen, akoz vyolans kont pei, kont lavil e kont son bann zabitan.

Zakari 10:10

Mon pou fer zot sorti Lezip e retourn kot zot; mon pou rasanble zot depi Asiri. Mon pou fer zot vin dan pei Galaad ek Liban, ziska ki pou nepli annan okenn plas.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.