Zoel 3:18 - Labib An Kreol Seselwa

¹⁸ Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.

Zoel 3:18 ပူးပေါင်းရင်းမြစ်များ

Liv Zob 29:6

Dan sa letan, mon ti annan dile annabondans e delwil doliv ti koule sorti dan ros.

Psonm 46:4

I annan en larivyer ki anmenn lazwa dan lavil Bondye, kot son sanktyer Treo i ete.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Ezai 30:25

Sa zour gran masak, bann tour pou tonbe, delo pou sorti lo montanny e lo oter tou bann kolin e pou koul annabondans.

Ezai 35:6

Bann ki bwete pou sote parey en serf e lalang bann kozpa pou sant dan lazwa. Delo pou sourse annabondans dan dezer e bann larivyer pou koule dan bann landrwa sek.

Ezai 44:3

Annefe, mon pou aroz sa later ki swaf e fer koule bann sours lo later ki sek. Mon pou donn mon lespri ou desandans e mon benediksyon ou bann prozenitir.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 55:1

Zot ki swaf! Vin bwar delo. Zot ki napa larzan! Vini, vin manze pour nanryen! Vini, vin aste diven ek dile san larzan, san peye!

Ezai 66:11

Akoz ou pou tete dile ziska ou rasazye, sa dile ki konsole; pour ki ou ava kapab bwar avek plezir dile ki sorti dan son zoli tete.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Zakari 14:8

Sa zour, delo pir pou sorti dan Zerizalenm; lanmwatye pou koul lo kote Les, lot lanmwatye pou koul lo kote Was. Sa pou kontinyen pandan lete koman liver.

Nonm 25:1

Pandan ki pep Izrael ti'n enstal zot Sitim, zot ti tonm dan prostitisyon avek bann fanm Moabit.