Zoel 3:17 - Labib An Kreol Seselwa

¹⁷ Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Zoel 3:17 ပူးပေါင်းရင်းမြစ်များ

Liv Zob 15:19

Bondye ti donn later zis avek zot bann zanset, kan pa ti annan okenn etranze parmi zot.

Psonm 76:2

In etabli son latant dan Zerizalenm. Son demer i dan Siyon.

Psonm 9:11

Sant pour SENYER ki renny dan Zerizalenm! Rakont son bann mervey parmi bann pep!

Egzod 16:12

“Mon'n antann bann Izraelit mirmire. Dir zot: Soley kouse, zot pou manz lavyann e demen bomaten, zot pou rasazye dipen. Alor, zot ava konnen ki mwan menm SENYER zot Bondye.”

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 4:3

Alor, sa ki'n reste Siyon, bann sirvivan dan Zerizalenm pou ganny apele sen. Tou sa bann ki zot non i'n ganny anrezistre pou kapab viv dan Zerizalenm.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Zeremi 31:40

Sa vale antye kot bann dimoun mor i ganny antere e kot salte i ganny zete, tou bann propriyete ki sitye par lao pti larivyer Sedron ziska laport Seval ver Les, pour ganny konsakre pour SENYER. Nanryen pa pou ganny arase oubyen detri dan sa lavil.

Ezekyel 20:40

La sa ki Senyer BONDYE i deklare: Tou Izraelit, tou sa ki pou reste dan sa pei, pou ador mwan lo mon montanny sen, lo gran montanny Izrael. La mon pou akey zot. Mon pou resevwar bann don ki zot in konsakre, tou zot bann meyer lofrann ek don pour ofer mwan.

Ezekyel 37:6

Mon pou fer pouse bann nerf lo zot; mon pou fer misk pouse lo zot e kouver zot avek lapo. Mon pou met en souf dan zot e zot ava viv. Alor, zot ava rekonnet ki mwan menm SENYER.”

Ezekyel 43:12

La regleman pour tanp: Tou lespas lo latet sa montanny ek teritwar toultour, i devre ganny konsidere tre sakre. Sa i lalwa tanp.

Ezekyel 44:9

La sa ki Senyer BONDYE i deklare: Okenn etranze, ki pa'n sirkonsi, dan son leker e dan son lekor, ni okenn etranze ki pe reste parmi pep Izrael, pa devre antre dan mon sanktyer.

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Zoel 2:27

Alor, zot pou konnen ki mon prezan parmi pep Izrael, ki mwan menm SENYER, zot Bondye e ki napa en lot. Mon pep pa pou zanmen santi zot onte ankor.

Zoel 3:21

Mon pa pou pini zot; mon pou deklar zot inosan. Mwan, SENYER, mon pou fer mon demer dan Siyon.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Nahoum 1:15

Zabitan Zida! Gete! La zot pe vini lo montanny, sa enn ki vin anons bonn nouvel: Zot anons lape. Selebre zot bann lafet, Zida; gard zot bann ve. Destrikter pa pou pas ankor parmi zot. I'n ganny konpletman detri.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.