Zoel 3:14 - Labib An Kreol Seselwa

¹⁴ Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Zoel 3:14 ပူးပေါင်းရင်းမြစ်များ

Psonm 37:13

Me sa i fer SENYER riye, akoz i war zour zot zizman vini.

Ezai 13:4

Ekout sa tapaz ki sorti dan montanny! I parey en gran lafoul. Ekout sa soulevman bann rwayonm, bann nasyon ki'n rasanble! Sa SENYER liniver ki pe enspekte son bann troup avan konba.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 3:12

Bann nasyon, bouze! Mont dan vale Zozafat. La, mon pou asize, pour mwan ziz tou bann nasyon dan zalantour.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Filipyen 3:2

Fer atansyon sa bann malfeter, sa bann move zouvriye ki parey bann lisyen; sa bann zouvriye ki donn tro lenportans lo sirkonsizyon.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.