Zoel 3:11 - Labib An Kreol Seselwa

¹¹ Bann nasyon dan zalantour! Degaze, vini zot tou! Rasanble zot tou! SENYER! Fer desann ou bann gerye.

Zoel 3:11 ပူးပေါင်းရင်းမြစ်များ

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

Ezai 10:34

Avek en lars, i pou koupay bann zarbis dan lafore e bann zoli pye sed Liban pou ganny zet ater.

Ezai 13:3

Mwan menm ki'n donn lord bann zonm ki mon'n konsakre. Mon'n rasanble mon bann brav gerye, ki selebre mon laviktwar e egzekit mon lakoler.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Mise 4:12

Me zot pa konn plan SENYER; zot pa konpran son proze. In rasanble zot parey pake dible la kot zot ganny bate.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

2 Tesalonisyen 1:7

Zot ki ti pe soufer, e nou osi, i pou donn nou repo. Sa pou arive, kan Senyer Zezi pou aparet dan lesyel avek son bann lanz pwisan.

Revelasyon 19:14

Bann larme lesyel, abiye dan linenn blan e pir, ti swiv li lo bann seval blan.