Zoel 2:5 - Labib An Kreol Seselwa

⁵ Zot fer tapaz, konmsi bann kales lager ki pe sote lo latet montanny. Ou ava krwar en dife ki pe bril lapay sek. Zot met zot annord parey en gran larme, pare pour lager.

Zoel 2:5 ပူးပေါင်းရင်းမြစ်များ

Liv Zob 39:20

Eski ou ki fer li sote parey en kasbol? Son kriye byen fyer i fer per.

Egzod 5:12

Alor, lepep ti al partou dan Lezip pour ranmas lapay e koup an morso.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Revelasyon 9:9

Lo zot pwatrin ti annan konmsi bann plak feray. Tapaz zot lezel ti konmsi bann kales ki ti pe ganny trennen par plizyer seval ki pe al lager.