Zoel 2:32 - Labib An Kreol Seselwa

³² Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Zoel 2:32 ပူးပေါင်းရင်းမြစ်များ

Zenez 4:26

Set ti ganny en garson ki i ti apel Enos. Depi sa moman, dimoun ti konmans envok non SENYER.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Ezai 10:22

Annefe, menm si pep Izrael ti ava osi nonbre ki disab dan bor lanmer, zis en pti restan parmi zot ki pou retournen. Destriksyon in ganny deside; lazistis pou deborde parey en gran larivyer.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 11:16

Pou annan en larout sorti Asiri pour restan son pep ki pou ankor laba, parey ti annan enn pour Izrael ler i ti sorti Lezip.

Ezai 4:2

Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Amos 9:8

Lizye Senyer BONDYE pa kit rwayonm Izrael ki koupab. Mon pou fer li disparet lo sirfas later. Me mon pa pou detri bann desandan lafanmir Zakob. SENYER ki deklare.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Levanzil dapre Zan 10:16

Mon annan ankor mouton ki pa dan sa berkay. Mon bezwen anmenn zot osi. Zot ava antann mon lavwa. Alor, i ava annan en sel troupo avek en sel berze.

Levanzil dapre Zan 4:22

Zot, zot pa konnen ki zot adore; me nou, nou konnen sa ki nou adore, akoz delivrans i vin atraver bann Zwif.

Akt de Zapot 15:17

pour ki leres dimoun i rod Senyer, ensi ki tou bann nasyon ki port mon non. Sanmenm sa ki Senyer in deklare,

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Romen 11:5

Dan sa letan prezan, i parey: I reste en pti group dimoun ki Bondye dan son bonte, in swazir.

Romen 11:7

E alor? Pep Izrael pa ti ganny sa ki i ti pe rode. Zis sa pti group ki Bondye ti'n swazir ki ti gannyen. Lezot in persiste dan zot landirsisman,

Romen 9:24

Sa i konsern nou osi ki i'n swazir, pa zis parmi bann Zwif, me osi parmi lezot nasyon.

Romen 9:27

Ezai ti predir o size pep Izrael: Menm si pep Izrael i vin nonbre koman gren disab lo bor lanmer, zis en pti restan ki pou ganny sove.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.