Zoel 2:31 - Labib An Kreol Seselwa

³¹ Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zoel 2:31 ပူးပေါင်းရင်းမြစ်များ

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Ezekyel 32:7

Kan ou pou ganny tennyen, mon pou kouver lesyel e fer vin sonm bann zetwal. Mon pou kouver soley avek en nyaz e lalin pou nepli donn son lalimyer.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:10

Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Zoel 3:1

La sa ki SENYER i deklare: Sa zour la, dan sa letan, mon pou retabli sityasyon Zida ek Zerizalenm.

Zoel 3:15

Soley ek lalin pou vin sonm, bann zetwal pou nepli donn laklerte.

Zakari 14:6

Sa zour, lalimyer pa pou neseser. I pou nepli fer fre; pa pou annan laglas.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Matye 27:45

Apartir midi, pei antye ti dan fernwanr pandan 3 erdtan.

Levanzil dapre Lik 21:25

“Pou annan siny dan soley, dan lalin e dan bann zetwal. Lo later, bann nasyon pou dan detres. Ler zot ava antann tapaz lanmer ek laroul, zot pa pou konnen ki zot pou fer.

Akt de Zapot 2:20

Soley pou vin fernwanr, e lalin pou vin disan, avan ki zour Senyer i arive, sa zour gran e glorye.

Revelasyon 8:12

Katriyenm lanz ti soufle dan son tronpet. En tyer soley ti ganny afekte, avek en tyer lalin e en tyer bann zetwal; zot ti perdi en tyer zot laklerte. Lizour ti perdi en tyer son lalimyer e lannwit parey.