Zoel 2:30 - Labib An Kreol Seselwa

³⁰ Mon pou fer paret bann siny ekstraordiner dan lesyel e lo later: Pou annan disan, dife, ek lafimen.

Zoel 2:30 ပူးပေါင်းရင်းမြစ်များ

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zakari 14:6

Sa zour, lalimyer pa pou neseser. I pou nepli fer fre; pa pou annan laglas.

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Levanzil dapre Lik 21:11

pou annan gran tranblemandter, e dan plizyer landrwa pou annan lafanmin ek lepidemi. Pou osi annan bann fenomenn efreyan e bann gran siny dan lesyel.

Zozye 8:20

Kan bann zonm Ai ti get deryer zot, zot ti war zis lafimen ki pe monte dan lesyel. Ti nepli annan okenn landrwa pour zot al kasyet, e zot ti dekouraze.

Revelasyon 18:18

Zot ti kriye kan zot ti war lafimen sa lavil ki ti pe brile: Zanmen i'n annan en lavil parey sa gran lavil!

Revelasyon 18:9

Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.

Revelasyon 8:7

Premye lanz ti soufle dan son tronpet. Lagrel ek dife melanze avek disan ti devers lo later. En tyer later, en tyer bann pye dibwa ek tou zerb ver ti ganny brile.

Ziz 20:38

Dapre en sinyal ki zot ti'n tonm dakor parmi bann Izraelit, sa bann ki ti pe mont latak ti devre fer monte en gro lafimen sorti dan lavil.

Ziz 20:40

Me dan sa letan en kolonn lafimen epe ti pe konmans monte sorti dan lavil. Bann Benzamit ti rekile. Partou dan lavil, laflanm ti pe mont ver lesyel.