Zoel 2:21 - Labib An Kreol Seselwa

²¹ Later! Pa bezwen per! Plito rezoui, akoz SENYER in akonpli bann gran mervey!

Zoel 2:21 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Psonm 71:19

Mon Bondye! Ou lazistis i sitan gran ki i tous lesyel. Mon Bondye! Ou'n fer telman gran mervey! Mon Bondye! Lekel ki parey ou?

Psonm 98:8

Bann gro larivyer! Bat lanmen. Bann montanny! Sant zot lazwa

Ezai 35:1

Dezer ek later desese pou dan lazwa! Dezer pou kontan e pou fleri avek zoli fler.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Ezai 55:12

Zot pou sorti dan lazwa e retourn dan lape. Devan zot, bann montanny ek bann kolin pou sant lazwa e tou pye dibwa ki dan bann laplenn pou bat lanmen.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Oze 2:21

La sa ki SENYER i deklare: Sa zour mon pou reponn. Lesyel pou reponn sa ki later pe espere.

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Zoel 2:26

Zot pou manze ziska zot ava rasazye; zot ava loue SENYER, zot Bondye ki'n fer bann mervey pour zot. Mon pep pa pou zanmen ganny laont ankor.

Zakari 8:15

Aprezan, mon'n sanz mon desizyon; mon'n deside fer dibyen Zerizalenm ek tribi Zida. Pa bezwen per.

Deterononm 4:32

Mazin letan pase, byen lontan avan ou, depi ki ou Bondye ti kree limanite lo later. Poz sa bann kestyon lo sa ki'n arive partou lo later: Eski en si gran levennman in deza arive? Eski en keksoz parey in deza ganny rakonte?

1 Samyel 12:16

Aprezan, debout trankil e zot ava war sa gran mervey ki SENYER pou fer devan zot.

1 Samyel 12:24

Annan respe pour SENYER e servi li senserman avek tou zot leker. Pran kont tou sa bann gran mervey ki i'n fer avek zot.