Zoel 2:20 - Labib An Kreol Seselwa

²⁰ Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Zoel 2:20 ပူးပေါင်းရင်းမြစ်များ

2 Rwa 8:13

Azael ti dir, “Ki mon ete, mwan ou serviter, en nanryen ditou, pour fer tou sa gran keksoz?” Elize ti dir, “SENYER in revel mwan ki ou pou vin lerwa Lasiri.”

Psonm 126:3

Annefe, SENYER in fer bokou keksoz pour nou e nou ti dan lazwa.

Egzod 10:19

SENYER ti sanz direksyon divan e fer soufle en gro divan Was ki ti lev bann sotrel e zet zot dan lanmer Rouz. Pa ti reste en sel sotrel dan Lezip antye.

Egzod 8:14

Zot ti ganny met an ta e pei antye ti dan en piyanter.

Ezai 34:3

Bann viktim pou ganny zete; zot kadav pe senm piyanter; Montanny pou ansan.

Ezekyel 47:18

Lo kote Les, frontyer ava pas ant Damas ek Horann; i ava swiv vale Zourden ant rezyon Galaad ek pei Izrael, ziska Tamar lo lanmer Mor. Sa i ava pour kote Les.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Zakari 14:8

Sa zour, delo pir pou sorti dan Zerizalenm; lanmwatye pou koul lo kote Les, lot lanmwatye pou koul lo kote Was. Sa pou kontinyen pandan lete koman liver.

Malasi 3:11

Mon pou sas bann sotrel pour zot, pour ki zot rekolt pa ganny detri. Zot plantasyon rezen ava donn en bon rekolt, SENYER liniver ki deklare.

Deterononm 11:24

Partou kot zot pou poz zot lipye ava vin pour zot: Zot teritwar pou al depi dezer ziska Liban e depi larivyer Efrat ziska lanmer Mediterane.