Zoel 2:19 - Labib An Kreol Seselwa

¹⁹ SENYER ti reponn son pep: Mon pou donn zot dible, diven ek delwil ziska ki zot rasazye. Mon pa pou les zot vin en laont ankor, parmi bann nasyon.

Zoel 2:19 ပူးပေါင်းရင်းမြစ်များ

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Ezekyel 34:29

Mon pou fer zot bann plantasyon vin renonmen; zot pou nepli soufer lafen dan sa pei e zot pa pou kontinyen ganny ensilte par lezot nasyon.

Ezekyel 36:15

Mon pa pou les ou antann bann ensilt bann nasyon, ni bann parol mepri bann pep; ou pa pou les ou nasyon tonbe. Senyer BONDYE ki'n deklare.

Ezekyel 36:29

Mon pou delivre zot avek tou sa ki rann zot enpir. Mon pou fer dible pouse e donn zot bon rekolt. Mon pa pou fer zot konn lafanmin ankor.

Ezekyel 36:30

Mon pou ogmant rapor zot pye fri ki pou donn bokou fri e zot bann plantasyon pou donn gran rekolt pour ki zot pa konn ankor laont lafanmin parmi lezot nasyon.

Ezekyel 39:29

Mon pou devers mon Lespri lo pep Izrael. Mon pa pou zanmen detourn mon vizaz ankor kont zot. Senyer BONDYE ki deklare.

Oze 2:15

La, mon pou rann li son plantasyon rezen e fer vale Akor, sa vale maler, vin en laport lespwar. I pou swiv mwan parey dan letan son lazenes, parey lepok ki i ti sorti Lezip.

Oze 2:21

La sa ki SENYER i deklare: Sa zour mon pou reponn. Lesyel pou reponn sa ki later pe espere.

Oze 2:22

Later pou reponn avek dible, diven nouvo, delwil fre; e zot ava reponn avek sa ki Zizreel pe espere.

Zoel 1:10

Bann plantasyon in ganny devaste, later i an dey, dible in ganny detri, nepli annan prodiksyon diven, nepli annan prodiksyon delwil.

Zoel 2:24

Landrwa kot zot bat dible pou ranpli avek legren. Barik diven ek delwil pou deborde.

Levitik 26:5

Zot ava bat dible ziska letan rekolt rezen. Zot ava rekolte rezen ziska letan pour senm legren i ariv ankor. Zot ava manz zot dipen ziska zot ava rasazye. Zot ava viv an sekirite dan zot pei.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Deterononm 11:14

Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.

Rit 1:6

Apre sa, Naomi avek son de belfiy ti kit lakanpanny Moab, akoz i ti'n aprann ki SENYER in montre son faver anver son pep e i'n donn zot en bon rekolt.