Zoel 2:17 - Labib An Kreol Seselwa

¹⁷ Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Zoel 2:17 ပူးပေါင်းရင်းမြစ်များ

1 Rwa 6:3

Lo devan tanp, ti annan en vestibil ki ti mezir 10 met larzer; menm larzer avek tanp e senk met profonder.

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

2 Kronik 8:12

Alor, Salomon ti ofer SENYER sakrifis konplet lo lotel ki i ti'n konstri pour SENYER, devan lasal antre Tanp.

Nehemi 9:36

Ozordi, nou'n vin bann lesklav! Dan sa pei ki ou'n donn nou zanset pour ki zot profite e manz son bann bon fri, nou'n vin lesklav.

Psonm 115:2

Akoz bann nasyon i demande: Oli zot Bondye?

Psonm 42:10

Zot bann lensilt i kraz mwan ziska dan mon lezo. Tou le zour zot demann mwan: Oli ou Bondye?

Psonm 42:11

Akoz mon dekouraze? Akoz mon plenny lo mon sor? Met ou konfyans dan Bondye! Loue li ankor, i mon Sover e mon Bondye!

Psonm 42:3

Lizour koman aswar, mon larm i mon sel nouritir. Zot demann mwan: Oli ou Bondye?

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 74:10

Mon Bondye! Ziska kan ou bann lennmi pou kontinyen riy ou? Eski zot pou mepriz ou non pour touzour?

Psonm 79:10

Akoz fodre les bann nasyon dir: Oli son Bondye? Devan nou, fer bann nasyon war koman ou vanz disan ou bann serviter ki zot ti fer koule!

Psonm 79:4

Nou ganny ensilte par bann nasyon vwazen; zot gognard nou, zot riy nou.

Psonm 89:41

Tou dimoun ki pase i depouy li; tou bann vwazen pe gognard li.

Psonm 89:51

SENYER! Mazin bann repros ki lo ou serviter. Mazin sa pep ki ou'n met mwan ansarz.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

Ezekyel 20:9

Me mon'n azir avek konsiderasyon pour mon loner, pour ki mon non pa ganny profannen parmi bann nasyon kot zot zanset ti reste. Annefe, sa bann nasyon ti deza konn mon promes pour fer zot sorti Lezip.

Ezekyel 8:16

I ti anmenn mwan dan lakour enteryer kot lantre tanp SENYER ant vestibil ek lotel kot ti annan apepre 25 zonm. Zot ledo ti tourn avek tanp e zot figir ver Les, zot ti prosternen devan soley.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:9

Personn nepli anmenn lofrann vezetal, ni lofrann labwason dan tanp SENYER.

Amos 7:2

Kan bann sotrel ti'n fini manz tou zerb dan pei, mon ti kriye: Senyer BONDYE! Pardonn ou pep! Ki mannyer Zakob pou kapab sirviv? I telman pti!

Amos 7:5

Alor, mon ti kriye: Senyer BONDYE, mon priy ou: Arete. Ki mannyer Zakob pou kapab sirviv? I telman pti!

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Malasi 1:9

Aprezan, esey sipliy Bondye, pour li montre son bonte anver zot. Eski i pou aksepte zot lofrann? SENYER ki deklare.

Nonm 25:6

Dan sa moman, pandan ki zot ti pe plere devan lantre Latant Rankont SENYER, en zonm Izraelit ti antre dan kan avek en fanm Madyanit devan Moiz e devan kominote Izraelit.

Matye 23:35

Alor, disan tou sa bann inosan ava tonm lo zot, depi disan Abel, sa inosan, ziska disan Zakari, garson Bakari ki zot ti touye ant sanktyer ek lotel.

Matye 27:43

I'n met son konfyans dan Bondye. Aprezan, si Bondye i kontan li, i ava sov li. Annefe i ti dir ki i garson Bondye!”

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.

Deterononm 32:27

Me mon ti per provokasyon lennmi. Zot bann ladverser ava riske mal konpran e dir: Nou lanmen ki pwisan pa SENYER ki'n fer tousala.

Zozye 7:9

Bann Kananeen ek tou bann zabitan pei, ler zot pou antann sa ki'n arive, pou anserkle nou, detri nou e detri nou non dan sa pei. Ki mannyer ou pou fer rekonnet ou gran renonmen?”