Zoel 2:14 - Labib An Kreol Seselwa

¹⁴ Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Zoel 2:14 ပူးပေါင်းရင်းမြစ်များ

2 Samyel 12:22

I ti reponn, “Ler sa zanfan ti ankor vivan, mon ti zene, e plere akoz mon ti dir dan mwan menm: Petet SENYER i ava pran pitye pour mwan, e sa zanfan ava viv.

2 Samyel 16:12

Petet ki SENYER ava pran pitye mon miser, e i ava fer mwan dibyen an retour sa bann malediksyon ki i pa prononse ozordi.”

2 Rwa 19:4

Petet SENYER ou Bondye in antann tou bann parol Ed de kan, ki son met lerwa Asiri in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep, ki ankor vivan.

Egzod 32:30

Son lannmen, Moiz ti dir lepep, “Zot in komet en pese grav. Aprezan, mon pou mont kot SENYER lo montanny; kekfwa mon ava kapab fer li pardonn zot pese.”

Ezai 65:8

La sa ki SENYER i deklare: Ler i annan en grap rezen ki ranpli avek zi, dimoun i dir: Pa bezwen detri li akoz sa i siny benediksyon. Mwan osi, pour lanmour mon serviter, mon pou fer parey; mon pa pou detri zot.

Zeremi 18:8

Me si sa nasyon i repanti e sanz son mannyer viv, mwan osi mon pa pou egzekit sa ki mon ti'n deside pou fer.

Zeremi 26:13

Aprezan, zot devre sanz zot mannyer viv e zot mannyer fer. Ekout lavwa SENYER zot Bondye. Konmsa, SENYER ava sanz son lide. I pa ava anvoy lo zot sa bann maler ki i ti'n deside kont zot.

Zeremi 26:3

Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:16

Manze pe disparet lanmenm la devan nou lizye. Lazwa ek boner in disparet dan tanp Bondye.

Zoel 1:9

Personn nepli anmenn lofrann vezetal, ni lofrann labwason dan tanp SENYER.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Zonas 1:6

Kaptenn ti al kot li. I ti dir li, “Ki ou pe fer la? Ou pe dormi! Leve! Priy ou bondye! Kekfwa i ava pran konsiderasyon pour nou e nou pa ava mor.”

Zonas 3:9

Lekel ki konnen! Kekfwa Bondye ava sanz son lide e son lakoler ava arete e nou pa ava ganny detri.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Agze 2:19

eski legren ki'n ganny rekolte in ariv dan langar rezerv? Annefe, bann plantasyon rezen, fig, grenad ek zoliv pa pe raport nanryen. Me mwan, apartir ozordi, mon pou kouver zot avek mon benediksyon.

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”

1 Samyel 6:5

Fer bann reprezantasyon zot bann boubou, ek reprezantasyon zot bann souri ki devaste pei; rann glwar Bondye Izrael. Kekfwa i ava mwen sever anver zot, anver zot bondye, e anver zot pei.