Zoel 2:12 - Labib An Kreol Seselwa

¹² La sa ki SENYER i deklare: Retourn kot mwan avek tou zot leker: Zennen, plere, lamante.

Zoel 2:12 ပူးပေါင်းရင်းမြစ်များ

2 Samyel 24:10

David ti santi son leker bate, apre ki i ti'n fer resansman lepep. I ti dir SENYER, “Mon'n komet en gran pese par fer sa resansman. Aprezan, SENYER, mon demann ou pardonn mwan pour sa fot ki mwan ou serviter, mon'n komet, akoz mon'n azir koman en fou.”

2 Kronik 30:6

Alor, parey lerwa ti'n donn lord, bann mesaze ti al partou atraver Izrael ek Zida avek let sorti kot lerwa ek bann sef: Pep Izrael, retourn kot SENYER, Bondye Abrahanm, Izaak, ek Izrael, pour li retourn ankor ver zot, leres Izrael, ki'n sape dan lanmen bann lerwa Asiri.

2 Kronik 6:27

alor, depi lao dan lesyel, ekoute e pardonn pese ou bann serviter, pese ou pep, Izrael. Ansenny zot, montre zot sa bon semen ki zot devre swiv, e ou ava fer lapli tonbe lo sa pei, ki osi ou pei, me ki ou'n donn zot koman patrimwann.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Egzod 33:5

SENYER ti dir Moiz, “Dir pep Izrael ki zot en pep antete. Si pandan en sel moman, mon ti mont avek ou, mon ti pou detri ou. Aprezan, tir ou bann lenz lafet; apre mon ava gete koman mon pou tret ou.”

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezai 58:4

Ler zot fer en zenn zot pas zot letan dispit, lager e tir koudpwen. Pa avek sa kalite zenn ki zot pe fer ozordi ki zot pou fer tande zot lavwa lao.

Zeremi 3:22

Zot tou bann zanfan rebel ki'n tourn zot ledo kont SENYER, retourn kot li; i ava pardonn zot, zot enfidelite. Zot dir: Wi, nou pe retourn ver ou SENYER, akoz ou menm nou Bondye.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 4:1

La sa ki SENYER i deklare: Izrael! Si ou retournen, kot mwan ki ou devre retournen. Si ou tir devan mwan sa bann fo bondye degoutan, ou pou nepli bezwen viv koman en vagabon.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Oze 12:6

Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Oze 12:7

Parey bann Kananeen, Efraim i kontan servi fo balans, i kontan fer frod.

Oze 14:1

Izrael! Retourn ver SENYER ou Bondye. Ou fot in fer ou tonbe.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zakari 7:3

Avek bann pret ki servi dan tanp SENYER liniver e avek bann profet, zot ti poz sa kestyon: Eski mon bezwen kontinyen plere e fer en zenn dan senkyenm mwan, parey mon'n fer pandan plizyer lannen?

Zakari 7:5

Dir avek lepep pei antye e avek bann pret. Kan zot ti fer en zenn, kan zot ti plere lo senkyenm ek setyenm mwan pandan sa 70 an, eski pour mwan ki zot ti pe fer sa zenn?

Malasi 1:9

Aprezan, esey sipliy Bondye, pour li montre son bonte anver zot. Eski i pou aksepte zot lofrann? SENYER ki deklare.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Ziz 2:4

Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.