Zoel 2:10 - Labib An Kreol Seselwa

¹⁰ Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Zoel 2:10 ပူးပေါင်းရင်းမြစ်များ

Psonm 114:7

Later! Tranble devan SENYER, devan Bondye Zakob

Psonm 18:7

Alor, later ti tranble e ganny sekwe; bann fondasyon montanny ti osi tranble. Zot ti osi sekwe, akoz SENYER ti'n ankoler.

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Zeremi 4:23

Mon ti get later; mon ti war li vid, san okenn laform. Mon ti get lesyel; ti nepli annan okenn lalimyer.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zoel 3:4

Zabitan Tir, Sidon ek bann rezyon Filisten! Ki zot oule avek mwan? Zot oule revanze? Alor, mon pou fer zot vanzans retonm lo zot.

Amos 5:8

SENYER ki ti kree bann zetwal: Pleyad ek Orion. SENYER i sanz lannwit e fer li vin lizour e lizour vin lannwit. I apel delo lanmer e devers li lo later. SENYER i son non.

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

Akt de Zapot 2:20

Soley pou vin fernwanr, e lalin pou vin disan, avan ki zour Senyer i arive, sa zour gran e glorye.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 6:12

Kan Zenn Mouton ti ouver sizyenm sele, mon ti gete: Ti annan en gran tranblemandter. Soley ti vin nwanr koman en lenz dey; lalin antye ti vin rouz koman disan.

Revelasyon 8:12

Katriyenm lanz ti soufle dan son tronpet. En tyer soley ti ganny afekte, avek en tyer lalin e en tyer bann zetwal; zot ti perdi en tyer zot laklerte. Lizour ti perdi en tyer son lalimyer e lannwit parey.

Revelasyon 9:2

Sa zetwal ti ouver labim e en lafimen ti monte sorti dan pwi, parey lafimen en gran fourno. Soley ek ler ti vin sonm avek sa lafimen ki ti sorti dan sa pwi.