Zoel 1:12 - Labib An Kreol Seselwa

¹² Brans rezen pe sek; pye fig pe fletri; pye grenad, pye dat, pye ponm ek tou lezot pye fri, tousala pe sek debout. Tou lazwa in ale parmi bann imen.

Zoel 1:12 ပူးပေါင်းရင်းမြစ်များ

Psonm 4:7

Ou'n met lazwa dan mon leker, plis ki dan letan kan dible ek diven ti annabondans.

Psonm 92:12

Sa enn ki obei Bondye i grandi parey en pye palm; i pouse parey en pye sed dan Liban.

Kantik Salomon 2:3

Mon lanmoure i parey en pye ponm parmi bann pye dibwa dan lafore e parmi bann zennzan. Mon ti anvi asiz anba son lonbraz, son fri i dou dan mon labous.

Kantik Salomon 4:13

Ou bann bourzon i en zarden grenadye avek bann fri delisye, roukou ek nar;

Ezai 16:10

Lazwa ek kontantman in disparet dan bann vale. Napa okenn sanson ki sorti dan plantasyon rezen, personn pa kriye avek kontantman. Personn pa vin kraz rezen pour fer diven; nepli antann okenn sanson avek lakadans.

Ezai 24:11

Dimoun i kriye dan semen; nepli annan diven; nepli annan lazwa; nepli annan lazwa lo later.

Ezai 24:7

Diven i an dey, plantasyon rezen pe deperi. Dimoun ki ti pe anmize in vin tris.

Ezai 9:3

Ou'n fer popilasyon sa nasyon ogmante, ou'n rann li pli ere ankor. I kontan ki ou la, i rezoui devan ou parey letan rekolt; i montre son lazwa, parey ler dimoun i partaz bann byen ki i sezi dan lager.

Zeremi 48:3

Ou kapab antann bann zabitan Horonaim pe kriy osekour: Dezolasyon! Tou in ganny detri!

Zeremi 48:33

Zabitan Moab nepli konnen kisisa lazwa, kisisa boner. Mon'n fer diven aret koule. Nepli annan personn pour kraz rezen e anmenmtan, sant dan lazwa.

Zoel 1:10

Bann plantasyon in ganny devaste, later i an dey, dible in ganny detri, nepli annan prodiksyon diven, nepli annan prodiksyon delwil.

Zoel 1:16

Manze pe disparet lanmenm la devan nou lizye. Lazwa ek boner in disparet dan tanp Bondye.

Zonas 4:7

Me lannmen bomaten, Bondye ti fer en lever pik sa plant e i ti fletri.

Agze 2:19

eski legren ki'n ganny rekolte in ariv dan langar rezerv? Annefe, bann plantasyon rezen, fig, grenad ek zoliv pa pe raport nanryen. Me mwan, apartir ozordi, mon pou kouver zot avek mon benediksyon.

Malasi 3:11

Mon pou sas bann sotrel pour zot, pour ki zot rekolt pa ganny detri. Zot plantasyon rezen ava donn en bon rekolt, SENYER liniver ki deklare.

Nonm 13:23

Zot ti ariv dan vale Eskol, kot zot ti koup en grap rezen ki ti fodre de zonm pour anmennen lo en golet. Zot ti osi pran en pe grenad ek fig.