Ziz 9:5 - Labib An Kreol Seselwa

⁵ I ti al Opra, kot son papa; la, i ti touy son bann frer, bann zanfan Yeroub-Baal; an tou 70 zonm lo en sel ros. Ti reste zis Yotanm, dernyen zanfan Yeroub-Baal, akoz i ti'n al kasyet.

Ziz 9:5 ပူးပေါင်းရင်းမြစ်များ

1 Rwa 1:12

Mon ava donn ou en konsey pour ki ou sov ou lavi ek lavi ou garson Salomon.

1 Rwa 1:21

Sinon, de ki mon senyer lerwa pou mor, mon garson Salomon ek mwan menm, nou pou ganny trete koman bann koupab.”

2 Rwa 10:17

Kan i ti ariv Samari, i ti touy tou dimoun ki ti reste dan fanmir Akab dan Samari; i ti fer zot tou disparet dapre parol ki SENYER ti'n dir profet Eli.

2 Rwa 10:7

Kan zot ti resevwar sa let, zot ti pran sa 70 garson lerwa e touy zot. Zot ti met zot latet dan bann pannyen e anvoy Zizreel, kot Zehou.

2 Rwa 11:3

Pandan 6 an, i ti reste kasyet avek li dan tanp SENYER, pandan ki Atali ti pe rennyen.

2 Kronik 21:4

Ler Yoranm ti'n fini byen etabli li lo rwayonm son papa, i ti masakre tou son bann frer ek serten bann sef Izraelit.

Matye 2:16

Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Matye 2:20

I ti dir li, “Leve! Pran sa zanfan ek son manman e retourn dan pei Izrael, akoz sa bann ki ti pe esey touy li in mor.”

Ziz 6:11

Mesaze SENYER ti vin asiz anba pye dibwa sakre, Ofra, ki ti pou Yoas, ki sorti dan klan Abiezer. Zedeon, son garson, ti pe bat dible dan preswar kot rezen i ganny kraze. Konmsa, bann Madyanit pa ti war li.

Ziz 6:24

Dan sa landrwa, Zedeon ti konstri en lotel an loner SENYER; i ti apel sa landrwa “SENYER i lape”. Sa lotel i ankor la, dan lavil Ofra kot klan Abiezer.

Ziz 8:30

I ti ganny 70 garson ki ti son prop disan, akoz i ti annan bokou fanm.

Ziz 9:18

Ozordi, zot in dres zot kont lafanmir mon papa. Zot in touy son bann zanfan, 70 zonm, lo en sel ros, e zot in fer Abimelek, garson ki i ti ganny avek son servant, lerwa lo bann sef akoz i zot frer.

Ziz 9:2

“Al koz avek tou bann dimoun enportan dan Sikenm: Kwa ki pli bon pour zot, ganny dirize par 70 zonm, ki tou i bann garson Yeroub-Baal, oubyen ganny dominen par en sel zonm? Pa oubliye ki mon enn parmi zot.”

Ziz 9:6

Tou bann dimoun enportan dan Sikenm ek lafanmir Bet-Milo ti rasanble pour al proklanm Abimelek lerwa pre kot pye terebent, akote pilye ki dan Sikenm.