Ziz 9:4 - Labib An Kreol Seselwa

⁴ Zot ti donn li 70 pyes larzan sorti dan tanp Baal-Berit. Avek sa larzan, Abimelek ti aste bann voryen ek bann bandi ki ti swiv li.

Ziz 9:4 ပူးပေါင်းရင်းမြစ်များ

2 Samyel 6:20

David ti retournen pour beni son fanmir, e Mikal, fiy Sail, ti sorti pour vin zwenn li. I ti dir li, “Lerwa Izrael in dezonor son lekor ozordi, in dezabiy li devan tou son bann servant, parey en dernyen dimoun.”

2 Kronik 13:7

Me sa bann zans bonnaryen, bann bandi ki ti avek li, ti pli for ki Roboanm, garson Salomon. Roboanm ki ti ankor zenn e san leksperyans, pa ti kapab reziste zot.

Liv Zob 30:8

Zot ti parey bann fou, bann bonnaryen, ki ti'n ganny sase dan pei.

Proverb 12:11

Sa enn ki kiltiv son later i annan bokou pour manze; sa enn ki fer bann rev initil i mank larezon.

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.

Akt de Zapot 17:5

Me bann Zwif ti ranpli avek zalouzi. Alor, zot ti rasanble bann vwayou dan lari ki ti met dezord dan lafoul e dan lavil. Zot ti al fouy lakaz Zason pour rod Pol ek Silas pour anmenn zot devan lepep.

Ziz 11:3

Zefte ti sove lwen avek son bann frer. I ti al enstal li dan pei Tob. Bann bandi ti asosye zot avek Zefte. Ansanm, zot ti fer bann latak.

Ziz 8:33

Me apre lanmor Zedeon, pep Izrael ti rekonmans prostitye avek bann Baal; zot ti pran Baal-Berit koman bondye.

Ziz 9:27

Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.

1 Samyel 22:2

Tou dimoun ki ti dan problenm, tou bann ki ti annan det, e ki ti dan fristrasyon, ti rasanble kot li, e i ti vin zot sef. Ti annan apepre 400 zonm avek li.