Ziz 9:27 - Labib An Kreol Seselwa

²⁷ Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.

Ziz 9:27 ပူးပေါင်းရင်းမြစ်များ

Psonm 109:17

I ti kontan modi: Aprezan i ava ganny modi! I pa ti kontan beni: Aprezan benediksyon ava pas akote li!

Egzod 32:19

Ler i ti apros kan, i ti war sa pti toro e lepep ki ti pe danse. Alor, lakoler Moiz ti monte. I ti zet ater sa de plak ros komannman e kraz zot anba, devan montanny.

Egzod 32:6

Tou dimoun ti leve lannmen granmaten. Zot ti ofer bann sakrifis konplet ek bann sakrifis lape. Lepep ti asize manze, bwar. Apre, zot ti leve pour anmize.

Zeremi 25:30

Ou, Zeremi, al anons tou sa ki mon deklare. Ou ava dir bann pep: La sa ki SENYER liniver i deklare: Parey tapaz ki en lyon i fer, SENYER pou apel depi lao dan lesyel. I pou fer son lavwa tande dan son tanp sakre. Parey en zwazo ki atak en mouton, i pou kriy byen for kont son pep. I pou kriye parey ler zot pe kraz rezen, kont tou zabitan lo later.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Levitik 24:11

Garson sa fanm Izraelit ti blasfenm non SENYER e ensilte li. I ti ganny anmennen devan Moiz. Sa fanm Izraelit ti apel Selomit, fiy Dibri, sorti dan tribi Dann.

Ziz 16:23

Bann sef Filisten ti rasanble pour ofer en gran sakrifis pour zot bondye, Dagon, e osi pour fer lafet. Zot ti dir, “Nou bondye in livre nou lennmi Sanmson, dan nou lanmen.”

Ziz 8:33

Me apre lanmor Zedeon, pep Izrael ti rekonmans prostitye avek bann Baal; zot ti pran Baal-Berit koman bondye.

Ziz 9:26

Gaal, garson Ebed, ti pas par Sikenm avek son bann frer. Bann responsab dan Sikenm ti met zot konfyans dan li.

Ziz 9:4

Zot ti donn li 70 pyes larzan sorti dan tanp Baal-Berit. Avek sa larzan, Abimelek ti aste bann voryen ek bann bandi ki ti swiv li.

Ziz 9:46

Ler zot ti antann sa nouvel, tou bann sef dan latour Sikenm ti al kasyet dan lakav, anba tanp Baal-Berit.

1 Samyel 17:43

Sa Filisten ti dir David, “Eski mon en lisyen pour ki ou vin kont mwan avek baton?” I ti modi David lo non son bann bondye.