Ziz 9:17 - Labib An Kreol Seselwa

¹⁷ Pa oubliye ki mon papa in konbat pour zot, in ekspoz son lavi lo fron batay e in delivre zot dan lanmen bann Madianit.

Ziz 9:17 ပူးပေါင်းရင်းမြစ်များ

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Romen 16:4

Zot in riske zot prop lavi pour sov sa ki pour mwan. Pa zis mwan tousel ki rekonesan anver zot, me osi tou bann Legliz dan lemonn non-Zwif.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Ziz 12:3

Ler mon ti war ki zot pa pe vin delivre mwan, mon ti riske mon lavi: Mon ti al atak bann Amonit. SENYER ti livre zot dan mon lanmen. Akoz ozordi, zot in mont kont mwan pour atak mwan?”

Ziz 9:16

“Aprezan, eski zot in azir lwayalman e senserman, ler zot ti fer Abimelek lerwa? Eski zot in azir korekteman anver Yeroub-Baal ek son fanmir? Eski zot in azir anver li dapre merit son bann aksyon?

Ziz 9:18

Ozordi, zot in dres zot kont lafanmir mon papa. Zot in touy son bann zanfan, 70 zonm, lo en sel ros, e zot in fer Abimelek, garson ki i ti ganny avek son servant, lerwa lo bann sef akoz i zot frer.

1 Samyel 19:5

I ti riske son lavi e i ti touy sa Filisten; SENYER ti donn Izrael antye en gran laviktwar. Ou ti war, e ou ti rezouir. Akoz ou oule fer pese e vers disan inosan? Akoz ou oule fer David mor san rezon?”