Ziz 8:5 - Labib An Kreol Seselwa

⁵ I ti dir bann zabitan Soukot, “Mon sipliy zot, donn dipen bann zonm ki pe akonpanny mwan. Zot tre fatige. Mon pe pourswiv Zeba ek Salmouna, de lerwa bann Madyanit.”

Ziz 8:5 ပူးပေါင်းရင်းမြစ်များ

Zenez 14:18

Melkisedek, ki ti lerwa Salenm e pret Bondye Toupwisan, ti anmenn dipen ek diven.

Zenez 33:17

Me Zakob ti al Soukot, kot i ti konstri en lakaz pour li, e fer bann park pour son bann bef. Alor, i ti apel sa landrwa Soukot, savedir, payot.

Psonm 60:6

Depi son sanktyer, Bondye in promet: Avek lazwa, mon pou partaz lavil Sikenm; mon pou diviz vale Soukot.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.

Ziz 5:23

Modi lavil Meroz. Modi, modi son bann zabitan. Zot pa'n vin osekour SENYER, osekour SENYER, parmi bann ero.

Ziz 8:10

Zeba ek Salmouna ti dan lavil Karkor avek zot bann zonm, anviron 15,000 ki ti reste parmi bann zonm ki sorti dan Les. Annefe, 120,000 zonm ki ti konn servi lepe ti'n ganny touye.

Ziz 8:12

Zeba ek Salmouna ti taye, me Zedeon ti pourswiv zot. I ti kaptir Zeba ek Salmouna, de lerwa Madyanit e senm panik partou dan zot larme.

Ziz 8:15

Alor, Zedeon ti al war bann zabitan Soukot. I ti dir zot, “La Zeba ek Salmouna kont ki zot ti fer mwan en repros ler zot ti demann mwan: Eski Zeba ek Saloumanna i deza dan ou pouvwar, pour ki nou donn dipen ou bann solda ki fatige?”

1 Samyel 25:18

Deswit, Abigail, ti pran 200 dipen, de sak diven, senk mouton pare pour roti, senk mezir lagrenn griye, 100 pake rezen sek, 200 pake fig sek. I ti met tou lo bann bourik.