Ziz 8:27 - Labib An Kreol Seselwa

²⁷ Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.

Ziz 8:27 ပူးပေါင်းရင်းမြစ်များ

Psonm 106:35

Me zot ti al melanz avek zot e aprann zot bann pratik.

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Egzod 23:33

Zot pa pou reste dan ou pei, pangar zot ava fer ou fer pese kont mwan. Annefe, ou riske ador zot bann bondye, e sa pou en latrap pour ou.

Egzod 32:4

Avek tou sa lor ki i ti pran avek zot, Aaron ti fer fonn dan en moul pour fabrik en pti toro. Lepep ti kriye, “Izrael! La zot bann bondye ki'n tir zot dan Lezip.”

Egzod 34:16

Zot ava osi fer ou garson marye avek zot bann fiy ki ava antrenn ou bann zanfan e fer zot prostitye avek zot bann bondye.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Ezekyel 7:20

Zot ti fer vantar akoz zot labote ek zot larises; zot in servi pour fer zot bann stati degoutan ek lezot lobze degoutan. Alor, mwan SENYER, mon'n fer zot larises vin degoutan pour zot.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Ziz 17:5

Konmsa, Mise ti ganny en sanktyer. I ti fer en rob pour pret mete ek bann pti stati ki reprezant en bondye. Apre, i ti met enn son bann garson koman pret.

Ziz 18:14

Alor, sa senk zonm ki ti'n al eksplor pei Lais, ti dir zot bann frer, “Eski zot konnen ki dan enn sa bann lakaz, i annan en rob pret, bann pti stati sakre ek en stati an metal? Aprezan, zot ki konnen ki pour fer.”

Ziz 18:17

Sa senk zonm ki ti'n al eksplor pei ti mont dan letaz. Zot ti antre e zot ti pran rob pret, bann pti stati bondye ek sa stati an metal. Sa pret ti pe debout devan laport avek sa 600 zonm, zot zarm atase avek zot sentir.

Ziz 2:2

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?

Ziz 2:3

Alor mon ti dir: Mon pa pou sas zot devan ou; zot ava viv parmi zot e zot bann bondye ava vin en pyez pour zot.”

Ziz 6:11

Mesaze SENYER ti vin asiz anba pye dibwa sakre, Ofra, ki ti pou Yoas, ki sorti dan klan Abiezer. Zedeon, son garson, ti pe bat dible dan preswar kot rezen i ganny kraze. Konmsa, bann Madyanit pa ti war li.

Ziz 6:24

Dan sa landrwa, Zedeon ti konstri en lotel an loner SENYER; i ti apel sa landrwa “SENYER i lape”. Sa lotel i ankor la, dan lavil Ofra kot klan Abiezer.

Ziz 8:26

Pwa bann bag annor ki i ti'n demande, ti pez 20 kilo; san kont bann bizou, bann pandan zorey, bann lenz rouz fonse ki bann lerwa Madyanit ti mete; osi san kont bann kolye ki ti dan likou zot bann samo.

Ziz 8:28

Konmsa ki Madyann ti ganny imilye anba pouvwar pep Izrael; i pa ti zanmen relev latet. Pei ti dan lape pandan 40 an, toultan ki Zedeon ti vivan.