Ziz 8:24 - Labib An Kreol Seselwa

²⁴ Apre, Zedeon ti dir zot, “Mon anvi demann zot keksoz: Sakenn zot ava donn mwan en bag dan zot piyaz lager.” Annefe, bann ki ti perdi lager ti annan bann bag annor, akoz zot ti bann Ismaelit.

Ziz 8:24 ပူးပေါင်းရင်းမြစ်များ

Zenez 24:22

Kan bann samo ti'n fini bwar, i ti donn sa fiy en bag annor ki ti pez apepre 6 granm e met de brasle annor ki ti pez apepre 100 granm sak, pour met lo son pwannyen.

Zenez 24:53

I ti prezant Rebeka bann bizou larzan ek lor, avek bann lenz. I ti osi donn son frer ek son manman bann kado ser.

Zenez 25:12

La desandans Ismael, garson ki Abrahanm ti fer avek Agar, sa lesklav Ezipsyen, servant Sara.

Zenez 25:13

La non bann garson Ismael dapre son desandans dan lord nesans: Nebayot, Kedar, Adbeel, Mibsanm,

Zenez 35:4

Alor, zot ti donn Zakob tou zot bann bondye etranze ki zot ti annan, e tou bann zanno ki ti dan zot zorey. Zakob ti anter zot anba pye dibwa sakre pre Sikenm.

Zenez 37:25

Answit, zot ti asize pour manze. Zot ti war en karavann bann Ismaelit sorti Galaad, zot bann samo ti pe anmenn parfen, lagonm ek lamir, ki zot ti pe anmenn Lezip.

Zenez 37:28

En bann marsan Madyanit ti pas par la. Zot ti tir Zozef dan sa pwi e zot ti vann li avek sa bann Ismaelit pour 20 pyes larzan. Sa bann marsan ti anmenn Zozef Lezip.

1 Rwa 20:11

Me lerwa ti reponn li, “Dir li: Sa enn ki pe prepare pour li al lager pa devre fer vantar konmsi in fini ganny laviktwar.”

Egzod 12:35

Pep Izrael ti'n fer parey Moiz ti'n dir zot: Zot ti'n demann bann Ezipsyen bann lobze annarzan, annor ek lenz.

Egzod 32:3

Alor, tou dimoun ti tir zot zanno lor dan zot zorey e anmenn kot Aaron.

Egzod 32:4

Avek tou sa lor ki i ti pran avek zot, Aaron ti fer fonn dan en moul pour fabrik en pti toro. Lepep ti kriye, “Izrael! La zot bann bondye ki'n tir zot dan Lezip.”

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Ezekyel 7:20

Zot ti fer vantar akoz zot labote ek zot larises; zot in servi pour fer zot bann stati degoutan ek lezot lobze degoutan. Alor, mwan SENYER, mon'n fer zot larises vin degoutan pour zot.

Ziz 8:25

Zot ti reponn, “Dakor! Nou ava donn ou.” Zot ti tal en lenz ater e sakenn ti zet en bag sorti dan son piyaz lager.

1 Samyel 25:11

Eski mon ava pran mon dipen, mon delo ek mon lavyann ki mon'n prepare pour mon bann zonm ki'n koup lalenn mon bann mouton e donn en bann zans ki mon pa konnen kote zot sorti?”