Ziz 8:10 - Labib An Kreol Seselwa

¹⁰ Zeba ek Salmouna ti dan lavil Karkor avek zot bann zonm, anviron 15,000 ki ti reste parmi bann zonm ki sorti dan Les. Annefe, 120,000 zonm ki ti konn servi lepe ti'n ganny touye.

Ziz 8:10 ပူးပေါင်းရင်းမြစ်များ

2 Rwa 3:26

Kan lerwa Moab ti remarke ki i ti nepli kapab reziste latak, i ti pran 700 zonm arme avek zot lepe; zot ti esey fer en semen pour ariv kot lerwa Edonm; me zot pa ti reisi.

2 Kronik 13:17

Abiya ek son larme ti ganny en gran laviktwar lo zot: 500,000 vayan gerye ti ganny masakre.

2 Kronik 28:6

Dan en sel zour, Peka, garson Remalia, ti touy 120,000 zonm, bannbrav gerye, dan rwayonm Zida akoz zot ti'n abandonn SENYER, Bondye zot zanset.

2 Kronik 28:8

Bann Izraelit ti pran 200,000 prizonnyen: Fanm, garson, fiy parmi zot prop pep e depouy zot avek bokou zot bann byen ki zot ti anmenn Samari.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Ziz 20:15

Sa zour, en resansman ti ganny fer lo bann Benzamit sorti dan bann lavil: 26,000 zonm ki konn servi lepe, san kont bann zabitan Gibea, 700 zonm elit ki ti'n ganny resanse.

Ziz 20:17

Resansman ti osi ganny fer parmi bann zonm dan Izrael, san kont sa bann dan tribi Benzamen: 400,000 zonm ki konn servi lepe; zot tou, zot ti bann vayan gerye.

Ziz 20:2

Tou bann sef lepep antye, tou bann tribi Izrael ti prezan devan sa lasanble pep Bondye: 400,000 zonm apye ki ti konn servi lepe.

Ziz 20:25

Sa menm zour, bann Benzamit ti sorti Gibea pour al atak bann Izraelit. Zot ti touy 18,000 zonm parmi bann Izraelit, tou sa bann zonm ti konn servi lepe.

Ziz 20:35

SENYER ti bat Benzamen devan Izrael. Sa zour, bann Izraelit ti touy 25,100 zonm Benzamit, zot tou bann zonm ki konn servi lepe.

Ziz 20:46

An tou, 25,000 gerye Benzamit ki konn servi lepe, ti mor sa zour,

Ziz 6:5

Annefe, zot ti monte avek zot bann troupo, zot bann latant. Zot ti anvai pei parey en lesen sotrel. Zot ti annan en kantite samo; zot ti vin pour ravaz pei.

Ziz 7:12

Bann Madianit, bann Amalesit ek tou bann zonm sorti dan Les, ti'n tale dan laplenn parey en lesen krike; zot bann samo ti osi nonbre ki disab obor lanmer.

Ziz 7:13

Ler Zedeon ti arive, en zonm ti pe rakont en rev avek en zanmi. I ti pe dir, “Mon'n fer en rev: En dipen ron, fer avek lorz griye ti pe roule dan kan bann Madianit; i ti ariv ziska latant. I ti tap kont latant e met tou anba lao; latant ti tonbe”

Ziz 7:22

Pandan ki sa 300 zonm ti pe soufle tronpet, SENYER ti fer ki partou dan kan, zot ti tourn zot lepe kont kanmarad. Zot tou, zot ti sove ziska Bet-Sita, dan direksyon Serera, ziska frontyer avek Abel-Mehola, pre avek Tabat.

Ziz 8:11

Zedeon ti mont par semen bann karavann, Les avek Noba ek Yogboa. I ti ganny laviktwar lo larme ki ti krwar I ti an sekirite.