Ziz 7:12 - Labib An Kreol Seselwa

¹² Bann Madianit, bann Amalesit ek tou bann zonm sorti dan Les, ti'n tale dan laplenn parey en lesen krike; zot bann samo ti osi nonbre ki disab obor lanmer.

Ziz 7:12 ပူးပေါင်းရင်းမြစ်များ

1 Rwa 20:27

Pep Izrael osi ti'n ganny mobilize. Zot ti ganny bann provizyon e zot ti sorti pour afront zot. Pep Izrael ti kanp vizavi zot. Zot ti parey de pti troupo kabri, tandis ki bann Siriyen ti kouver pei.

1 Rwa 4:30

Lasazes Salomon ti depas lasazes tou bann saz, Les avek Lezip.

Psonm 3:1

SENYER! Mon annan bokou lennmi. Bokou pe leve kont mwan.

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Zeremi 46:23

SENYER i deklare: Menm si lafore i epe e ki ou pa kapab traverse, zot pou detri tou. Akoz, zot pli nonbre ki bann sotrel: Ou pa kapab konte konbyen zot i annan.

Zozye 11:4

Alor, zot ti sorti avek tou zot larme, en latroup nonbre parey disab obor lanmer. Zot ti annan en kantite seval ek kales lager.

Ziz 6:3

Ler bann Izraelit ti senm zot bann legren, bann Madyanit, bann Amalesit ek bann pep sorti dan Les, ti monte pour atak zot.

Ziz 6:33

Tou bann Madyanit, bann Amalesit e bann pep ki viv dan Les, ti dakor pour rasanble. Zot ti travers larivyer Zourden e kanp dan laplenn Izrael.

Ziz 6:5

Annefe, zot ti monte avek zot bann troupo, zot bann latant. Zot ti anvai pei parey en lesen sotrel. Zot ti annan en kantite samo; zot ti vin pour ravaz pei.

Ziz 7:13

Ler Zedeon ti arive, en zonm ti pe rakont en rev avek en zanmi. I ti pe dir, “Mon'n fer en rev: En dipen ron, fer avek lorz griye ti pe roule dan kan bann Madianit; i ti ariv ziska latant. I ti tap kont latant e met tou anba lao; latant ti tonbe”

Ziz 8:10

Zeba ek Salmouna ti dan lavil Karkor avek zot bann zonm, anviron 15,000 ki ti reste parmi bann zonm ki sorti dan Les. Annefe, 120,000 zonm ki ti konn servi lepe ti'n ganny touye.

1 Samyel 13:5

Bann Filisten ti rasanble pour konbat Izrael. Zot ti annan 30,000 kales lager, 6,000 kales avek seval, e en gran troup zonm parey gren disab lo bor lanmer. Zot ti etabli zot kan Mikmas, Les avek Bet-Aven.

1 Samyel 30:17

David ti atak zot, e bat zot depi bomaten ziska lannmen swar. Personn pa ti sape, eksepte 400 zennzan ki ti reisi sove lo samo.