Ziz 6:5 - Labib An Kreol Seselwa

⁵ Annefe, zot ti monte avek zot bann troupo, zot bann latant. Zot ti anvai pei parey en lesen sotrel. Zot ti annan en kantite samo; zot ti vin pour ravaz pei.

Ziz 6:5 ပူးပေါင်းရင်းမြစ်များ

Kantik Salomon 1:5

Bann fiy Zerizalenm! Mon lapo i nwanr, me mon zoli parey bann latant Kedar, parey bann rido Salomon.

Ezai 13:20

Zanmen personn pou vin reste la; i pou reste san zabitan pour touzour. Bann nomad pa pou vin dres zot latant ankor, ni bann berze pa pou anmenn zot troupo.

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Zeremi 46:23

SENYER i deklare: Menm si lafore i epe e ki ou pa kapab traverse, zot pou detri tou. Akoz, zot pli nonbre ki bann sotrel: Ou pa kapab konte konbyen zot i annan.

Zeremi 49:29

Sezi zot bann latant ek zot bann troupo. Tir zot rido ek tou sa ki zot annan. Pran zot samo e dir lepep: Lafreyer i partou!

Zeremi 49:32

Zot bann samo ek tou zot gran troupo pour vin en piyaz lager. Sa bann dimoun ki raz zot latanp, SENYER pou dispers zot dan tou direksyon e i pour anmenn dezas lo zot partou kote.

Zeremi 51:14

SENYER liniver in fer serman lo li menm: Mon pou anvoy en kantite zonm dan Babilonn, parey en lesen sotrel e zot ava sant sanson laviktwar lo ou.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Ziz 7:12

Bann Madianit, bann Amalesit ek tou bann zonm sorti dan Les, ti'n tale dan laplenn parey en lesen krike; zot bann samo ti osi nonbre ki disab obor lanmer.

Ziz 8:10

Zeba ek Salmouna ti dan lavil Karkor avek zot bann zonm, anviron 15,000 ki ti reste parmi bann zonm ki sorti dan Les. Annefe, 120,000 zonm ki ti konn servi lepe ti'n ganny touye.

Ziz 8:21

Zeba ek Salmouna ti dir Zedeon, “Leve ou menm e touy nou. Si ou en zonm, montre ou lafors.” Alor Zedeon ti leve e touy Zeba ek Salmouna. Apre, i ti pran bann ornman ki ti anpandan dan likou zot bann samo.

1 Samyel 30:17

David ti atak zot, e bat zot depi bomaten ziska lannmen swar. Personn pa ti sape, eksepte 400 zennzan ki ti reisi sove lo samo.