Ziz 6:4 - Labib An Kreol Seselwa

⁴ Zot ti kanp pre avek bann Izraelit, detri rekolt pei ziska pre Gaza. Zot pa ti les dan Izrael okenn provizyon manze, ni mouton, ni kabri, ni bef, ni bourik.

Ziz 6:4 ပူးပေါင်းရင်းမြစ်များ

Zenez 10:19

e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa.

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Proverb 28:3

En diktater ki oprim bann malere, i parey en gro lapli ki pa les nanryen pou manze apre.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Abdyas 1:5

Si voler oubyen kaser lakaz i pas kot ou aswar, ki mannyer ou pou kapab reste trankil? Pa zot pou pran tou sa ki zot kapab? Si bann zouvriye i vin rekolte rezen dan ou plantasyon, pa zot pou kit zis bann pti grap dan pye?

Mise 6:15

Ou pou senmen me ou pa pou rekolte. Ou pou kraz zoliv me ou pa pou servi son delwil. Ou pou kraz rezen me ou pa pou bwar diven.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

Ziz 6:3

Ler bann Izraelit ti senm zot bann legren, bann Madyanit, bann Amalesit ek bann pep sorti dan Les, ti monte pour atak zot.