Ziz 6:3 - Labib An Kreol Seselwa

³ Ler bann Izraelit ti senm zot bann legren, bann Madyanit, bann Amalesit ek bann pep sorti dan Les, ti monte pour atak zot.

Ziz 6:3 ပူးပေါင်းရင်းမြစ်များ

Zenez 25:6

Kanta bann zanfan son bann menazer, Abrahanm ti donn zot bann kado, e pandan ki i ti ankor vivan, i ti anvoy zot dan pei dan kote Les, lwen avek son garson, Izaak.

Zenez 29:1

Zakob ti kontiny son vwayaz dan direksyon bann pei Les.

1 Rwa 20:27

Pep Izrael osi ti'n ganny mobilize. Zot ti ganny bann provizyon e zot ti sorti pour afront zot. Pep Izrael ti kanp vizavi zot. Zot ti parey de pti troupo kabri, tandis ki bann Siriyen ti kouver pei.

1 Rwa 4:30

Lasazes Salomon ti depas lasazes tou bann saz, Les avek Lezip.

1 Rwa 5:10

Alor, Hiranm ti fourni Salomon tou dibwa sed ek dibwa sapen ki i ti bezwen.

Liv Zob 1:3

I ti posed 7,000 mouton, 3,000 samo, 1,000 bef, 500 femel bourik. I ti osi annan bokou serviter. Zob ti ganny konsidere koman pli gran personnaz dan pei Les.

Liv Zob 31:8

alor, en lot ava manz sa ki mon'n senmen, e mon bann plant ava ganny arase.

Egzod 17:8

Alor, Amalek ti vin atak pep Izrael Refidim.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Zeremi 49:28

La sa ki SENYER i deklare lo size tribi Kedar e bann rezyon kontrole par Hazor ki Naboukodonozor, lerwa Babilonn ti gannyen dan lager: Atak pep Kedar e detri sa tribi ki sorti dan Les.

Ezekyel 25:3

Dir zot ekout parol Senyer BONDYE: La sa ki Senyer BONDYE i deklare: Ou ti byen riye kan mon sanktyer ti ganny profannen, kan pei Izrael ti ganny devaste e pep Zida ti ganny deporte.

Ezekyel 25:4

Alor, mon pe al livre ou dan lanmen bann tribi sorti dan Les; ou pou vin zot posesyon. Zot pou etabli zot kan se ou, mont zot latant kot ou, manz ou fri e bwar ou dile.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Mise 6:15

Ou pou senmen me ou pa pou rekolte. Ou pou kraz zoliv me ou pa pou servi son delwil. Ou pou kraz rezen me ou pa pou bwar diven.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

Ziz 10:12

Sidonit, Amalesit ek Meounit in kraz zot. Ler zot ti kriy ver mwan, pa mon ti delivre zot dan zot lanmen?

Ziz 3:13

Eglonn ti fer lalyans avek bann Amonit ek bann Amalesit e i ti sorti pour atak Izrael. I ti kaptir lavil bann Palmye.

Ziz 6:2

Bann Madyanit ti fer Izrael santi zot pouvwar. Akoz zot, pep Izrael ti al reste dan bann krevas dan montanny, bann lagrot e dan bann presipis.

Ziz 6:33

Tou bann Madyanit, bann Amalesit e bann pep ki viv dan Les, ti dakor pour rasanble. Zot ti travers larivyer Zourden e kanp dan laplenn Izrael.

Ziz 6:4

Zot ti kanp pre avek bann Izraelit, detri rekolt pei ziska pre Gaza. Zot pa ti les dan Izrael okenn provizyon manze, ni mouton, ni kabri, ni bef, ni bourik.

Ziz 7:12

Bann Madianit, bann Amalesit ek tou bann zonm sorti dan Les, ti'n tale dan laplenn parey en lesen krike; zot bann samo ti osi nonbre ki disab obor lanmer.

Ziz 8:10

Zeba ek Salmouna ti dan lavil Karkor avek zot bann zonm, anviron 15,000 ki ti reste parmi bann zonm ki sorti dan Les. Annefe, 120,000 zonm ki ti konn servi lepe ti'n ganny touye.