Ziz 6:24 - Labib An Kreol Seselwa

²⁴ Dan sa landrwa, Zedeon ti konstri en lotel an loner SENYER; i ti apel sa landrwa “SENYER i lape”. Sa lotel i ankor la, dan lavil Ofra kot klan Abiezer.

Ziz 6:24 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 12:8

I ti kit sa landrwa pour al dan montanny ki Les avek Betel. I ti mont son latant ant Betel lo kote Was e Ayi, lo kote Les. I ti konstri en lot lotel pour SENYER e i ti envok non SENYER.

Zenez 22:14

Alor, Abrahanm ti apel sa landrwa: SENYER i pran swen. Pour sa rezon, zot dir konmela: Lo montanny, SENYER pou donnen.

Zenez 33:20

La, i ti fer en lotel e i ti apel sa landrwa: El, Bondye Izrael.

2 Samyel 24:25

I ti konstri en lotel pour SENYER; i ti ofer bann sakrifis konplet ek bann sakrifis lape. Alor, SENYER ti montre son labonte anver pei e fleo ki ti pe frap pei ti arete.

1 Rwa 18:32

Avek sa bann ros, i ti konstri en lotel pour SENYER. I ti fer en transe otour lotel ki kapab pran anviron 14 lit legren.

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Egzod 17:15

Moiz ti konstri en lotel ki i ti apel SENYER i mon bannyer.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Nonm 26:30

Bann desandan dan tribi Galaad: Yezer, dan klan Yezerit; Helek, dan klan Helekit.

Zozye 22:10

Kan zot ti ariv dan rezyon pre avek larivyer Zourden, ki dan pei Kanaan, bann Ribenit, bann Gadit ek demi tribi Manase ti konstri en gran lotel obor larivyer.

Ziz 21:4

Lannmen, lepep ti lev granmaten; zot ti konstri en lotel e ofer sakrifis konplet ek sakrifis lape.

Ziz 6:23

SENYER ti dir li, “Lape i avek ou! Pa per, ou pa pou mor.”

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.

Ziz 8:32

Zedeon, garson Yoas ti mor apre en vyeyes ere. I ti ganny antere dan latonm Yoas, son papa, dan lavil Ofra ki ti pour klan Abiezer.

1 Samyel 14:35

Sail ti fer en lotel pour SENYER. Sa ti premye lotel ki Sail ti fer pour SENYER.

1 Samyel 7:17

Apre, i ti retourn Rama, kot i ti reste. La osi, i ti ziz lepep. La, i ti konstri en lotel pour SENYER.