Ziz 6:22 - Labib An Kreol Seselwa

²² Alor, Zedeon ti konpran ki sa ti mesaze SENYER. I ti dir, “Senyer BONDYE! Mon'n war mesaze SENYER fas a fas.”

Ziz 6:22 ပူးပေါင်းရင်းမြစ်များ

Zenez 16:13

Alor, Agar ti apel SENYER ki ti'n koz avek li, “Ou, ou El-Roi, sa Bondye ki war mwan. Mon demande, si mon'n war Sa Enn ki war mwan?”

Zenez 32:30

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

Zenez 32:31

Soley ti pe leve kan i ti pas Penouel; i ti pe bwete akoz son laans.

Egzod 33:20

Me ou pa kapab war mon vizaz akoz personn pa kapab war mwan e kontinyen viv.”

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 12:41

Ezai ti dir sa akoz i ti'n war son mazeste e i'n koz lo li.

Deterononm 5:24

Zot ti dir mwan: Gete! SENYER, nou Bondye in montre nou son laglwar ek son grander e nou'n antann son lavwa sorti dan dife. Ozordi, nou'n war ki Bondye i kapab koz avek en imen i sa dimoun i kapab reste vivan.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

Deterononm 5:5

Dan sa letan, mon ti pe debout ant SENYER ek zot, pour fer zot konn bann parol SENYER; zot pa ti mont lo montanny, akoz zot ti per dife. SENYER ti dir:

Ziz 6:23

SENYER ti dir li, “Lape i avek ou! Pa per, ou pa pou mor.”