Ziz 6:19 - Labib An Kreol Seselwa

¹⁹ Zedeon ti al prepar en zenn kabri; i ti fer bann dipen san lelven avek anviron 30 kilo lafarin. I ti met lavyann dan en pannyen ek lasos dan en po; i ti anmenn tousala kot li anba pye dibwa sakre.

Ziz 6:19 ပူးပေါင်းရင်းမြစ်များ

Zenez 18:3

I ti dir, “Mon Senyer, silvouple fer mwan plezir, pa ale san aret kot mwan, ou serviter.

Zenez 18:5

Mon ava anmenn dipen, pour ki zot repran zot lafors. Apre, zot ava kontiny zot larout akoz zot in pas par la, pre kot zot serviter.” Zot ti dir, “Fer parey ou'n dir.”

Levitik 2:4

Si ou ofer en lofrann vezetal kwi dan four, i devre en gato fer avek lafarin meyer kalite, san lelven, petri avek delwil, ek en galet san lelven, aroze avek delwil.

Matye 13:33

Zezi ti rakont zot ankor en lot parabol, “Rwayonm lesyel i parey lelven ki en fanm i pran e melanz avek 25 kilo lafarin ki fer monte lapat antye.”

Ziz 13:20

en laflanm ti sorti kot lotel e mont ver lesyel. Mesaze SENYER ti mont dan sa bann laflanm depi lotel. Ler zot ti war sa, Manoa ek son fanm ti tonm lafas ater.

Ziz 6:18

Mon demann ou pa ale. Reste la ziska ki mon retourn avek en lofrann ki mon ava depoz devan ou.” SENYER ti dir li, “Mon pou reste la, ziska ki ou retournen.”

Ziz 6:20

Mesaze Bondye ti dir li, “Pran lavyann ek bann dipen san lelven; depoz zot lo sa ros e vers lasos lo la.” Zedeon ti obei.