Ziz 6:10 - Labib An Kreol Seselwa

¹⁰ Mon ti dir zot: Mwan menm SENYER zot Bondye. Zot pa devre per bann bondye bann Amorit kot zot pe reste. Me zot pa ti ekout mwan.”

Ziz 6:10 ပူးပေါင်းရင်းမြစ်များ

2 Rwa 17:13

SENYER ti'n averti Izrael ek Zida par lentermedyer tou son bann profet, e tou son bann vizyoner, ler i ti dir zot: Abandonn zot bann move mannyer fer e obzerv bann komannman ek bann regleman ki mon'n donn zot dapre bann lalwa ki mon'n donn zot zanset par lentermedyer mon bann serviter, bann profet.

2 Rwa 17:33

Alor, zot ti ador SENYER, me anmenmtan zot ti ador zot bann prop bondye, dapre koutim bann nasyon kot zot sorti.

2 Rwa 17:7

Sa ti arive akoz pep Izrael ti'n fer pese kont SENYER zot Bondye ki ti'n fer zot sorti Lezip e delivre zot dan lanmen Faraon, lerwa Lezip; osi akoz zot ti'n ador lezot bondye.

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Egzod 34:12

Fer sir ou pa fer okenn lalyans avek bann zabitan sa pei kot ou pe ale. Sa i kapab vin en pyez pour ou.

Egzod 34:14

Ou pa devre ador okenn lot bondye, akoz non SENYER i Zalou! I en Bondye zalou.

Proverb 5:13

mon pa'n ekout lavwa mon bann met, ni port atansyon lo zot bann lansennyman.

Zeremi 10:2

La sa ki SENYER i deklare: Pa aprann sa ki lezot nasyon i pratike Pa per bann fenomenn ki pas dan lesyel parey lezot nasyon.

Zeremi 17:23

Me zot pa'n ekoute, zot pa'n ouver zot zorey. Zot in reste dan zot lantetman; zot in refize obei e resevwar okenn leson.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 42:21

Aprezan, la mon donn zot repons. Me zot pa pe ekout sa ki SENYER i dir zot par mon lentermedyer.

Zeremi 43:4

Alor, Yohanann, garson Karea, ek tou bann zofisye larme e lepep antye, ti refize obei lord SENYER ki zot devre reste dan Zida.

Zeremi 43:7

Donk, zot ti refize obei lord SENYER e zot ti al Lezip. Zot ti ariv Tafanes.

Zeremi 9:13

SENYER ti reponn: Sa in arive akoz mon pep in abandonn mon lalwa ki mon ti donn li. I pa'n obei mwan e i pa'n swiv sa ki mon ti demann li.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Romen 10:16

Me pa tou dimoun ki'n aksepte Bonn Nouvel. Annefe, Ezai i dir: Senyer! Lekel ki'n krwar nouvel ki zot in antann nou anonse?

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Zozye 24:15

Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.

Ziz 2:2

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?

Ziz 6:9

Mon'n delivre zot dan lanmen bann Ezipsyen e dan lanmen tou sa bann ki ti pe maltret zot; mon'n sas zot bann lennmi e mon'n donn zot, zot pei.