Ziz 5:22 - Labib An Kreol Seselwa

²² Alor bann sabo bann seval ti pil later; zot ti arete galope.

Ziz 5:22 ပူးပေါင်းရင်းမြစ်များ

Liv Zob 39:19

Eski ou ki donn seval son lafors? Eski ou ki abiy son likou avek en krinyer?

Psonm 20:7

Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Psonm 33:17

En seval pa kapab donn laviktwar; son gran lafors pa sov son kavalye.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Zeremi 47:3

Zot pou antann tapaz seval ki pe tape avek zot sabo, fraka larou bann kales lager. Bann paran nepli okip zot zanfan.

Zeremi 47:4

Sa i akoz sa zour pe vini kan SENYER pou detri bann Filisten. Pa pou annan personn pour ed bann lavil Tir ek Sidon. SENYER pe fer ravaz kot bann zabitan Kaftor.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Ezekyel 27:14

Zabitan Bet-Togarma ti vann ou seval, seval lager ek bourik.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.