Ziz 5:20 - Labib An Kreol Seselwa

²⁰ Bann zetwal dan lesyel ti konbat; depi zot larout, zot in konbat kont Sisera.

Ziz 5:20 ပူးပေါင်းရင်းမြစ်များ

2 Samyel 18:8

Batay ti fann dan pei antye. Ti annan plis dimoun ki ti perdi zot lavi dan lafore ki dan konba.

Zozye 10:10

SENYER ti fer bann Amorit sove devan bann Izraelit ki ti bat zot dan Gabaon. Bann Izraelit ti pourswiv zot dan monte Bet-Horonn, e kontinyen ziska Azeka e Makeda.

Zozye 10:11

Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.

Zozye 10:12

Alor, zour ki SENYER ti donn laviktwar Izrael lo bann Amorit, Zozye ti koz avek SENYER dan prezans tou bann Izraelit. I ti dir: Soley! Aret par lao Gabaon. Lalin! Reste lo vale Ayalonn.

Ziz 4:15

Alor, devan Barak, SENYER ti fer Sisera panike, li, avek tou son bann kales lager ek tou son larme. I ti masakre zot tou. Sisera ti desann depi son kales lager e sove apye.

Ziz 5:21

Larivyer Kisonn ti balye zot, sa larivyer antik, larivyer Kisonn! Mon kraz zot avek lafors.

1 Samyel 7:10

Pandan ki Samyel ti pe ofer sakrifis, bann Filisten ti aprose pour atak pep Izrael. Sa zour, SENYER ti anvoy gro loraz ki ti fer en kantite fraka e met konfizyon parmi larme Filisten. Pep Izrael ti bat zot.