Ziz 4:15 - Labib An Kreol Seselwa

¹⁵ Alor, devan Barak, SENYER ti fer Sisera panike, li, avek tou son bann kales lager ek tou son larme. I ti masakre zot tou. Sisera ti desann depi son kales lager e sove apye.

Ziz 4:15 ပူးပေါင်းရင်းမြစ်များ

2 Rwa 7:6

Annefe, SENYER ti'n fer larme Siriyen antann tapaz kales lager, tapaz bann seval ek tapaz en gran larme e zot ti'n dir antre zot: Lerwa Izrael in pey bann lerwa Hitit ek bann lerwa Ezipsyen pour zot vin atak nou.

Deterononm 7:23

Me, SENYER, ou Bondye ava livre sa bann nasyon dan ou lanmen e zot pou tonm dan en gran lafreyer, ziska ki zot disparet.

Ebre 11:32

Ki mon devre dir ankor? Napa ase letan pour mwan koz lo Zedeon, Barak, Sanmson, Zefte, David, Samyel, ek bann profet.

Zozye 10:10

SENYER ti fer bann Amorit sove devan bann Izraelit ki ti bat zot dan Gabaon. Bann Izraelit ti pourswiv zot dan monte Bet-Horonn, e kontinyen ziska Azeka e Makeda.

1 Samyel 7:10

Pandan ki Samyel ti pe ofer sakrifis, bann Filisten ti aprose pour atak pep Izrael. Sa zour, SENYER ti anvoy gro loraz ki ti fer en kantite fraka e met konfizyon parmi larme Filisten. Pep Izrael ti bat zot.