Ziz 3:11 - Labib An Kreol Seselwa

¹¹ Pei ti reste dan lape pandan 40 an. Apre, Otniel, garson Kenaz ti mor.

Ziz 3:11 ပူးပေါင်းရင်းမြစ်များ

1 Kronik 4:13

Bann garson Kenaz: Otniel ek Seraya; bann garson Otniel: Hatat ek Meonotai.

Nehemi 9:28

Me, deswit apre ki zot ti'n ganny en pe repo, zot ti rekonmans fer sa ki mal devan ou. Alor, ou ti abandonn zot dan lanmen zot bann lennmi, ki ti domin lo zot. Me ler zot ti kriy ver ou ankor, depi lesyel, ou ti antann zot. Dan ou gran konpasyon, ou ti delivre zot plizyer fwa.

Ester 9:22

koman bann zour ki bann Zwif ti ganny debarase avek zot bann lennmi, koman bann zour dan sa mwan, kot zot tristes ti ganny transformen an lazwa e zot maler en boner; ki zot ti devre fer sa bann zour koman bann zour lafet ek selebrasyon, bann zour pou anvoy kado kanmarad ek bann pov.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 15:17

Otniel, garson Kenaz, e frer Kaleb ki ti pran lavil e Kaleb ti donn li son fiy Aksa pour marye.

Ziz 3:10

Lespri SENYER ti desann li e i ti vin ziz pep Izrael. I ti al lager e SENYER ti donn li laviktwar lo Kousann-Riseataim, lerwa Mezopotami. I ti fer santi son pouvwar kont Kousann-Riseataim.

Ziz 3:12

Pep Izrael ti rekonmans fer bann aksyon ki ti depler SENYER. Akoz Izrael ti pe mal fer, SENYER ti ankouraz Eglonn, lerwa Moab, pour azir kont zot.

Ziz 3:30

Sa zour, Moab ti ganny imilye dan lanmen Izrael e pei ti reste anpe pandan 80 an.

Ziz 3:9

Pep Izrael ti kriy ver SENYER; SENYER ti swazir en sover ki ti delivre zot. Sa ti Otniel, garson Kenaz, pti zanfan Kaleb.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

Ziz 8:28

Konmsa ki Madyann ti ganny imilye anba pouvwar pep Izrael; i pa ti zanmen relev latet. Pei ti dan lape pandan 40 an, toultan ki Zedeon ti vivan.