Ziz 3:10 - Labib An Kreol Seselwa

¹⁰ Lespri SENYER ti desann li e i ti vin ziz pep Izrael. I ti al lager e SENYER ti donn li laviktwar lo Kousann-Riseataim, lerwa Mezopotami. I ti fer santi son pouvwar kont Kousann-Riseataim.

Ziz 3:10 ပူးပေါင်းရင်းမြစ်များ

1 Kronik 12:18

Alor lespri Bondye ti sezi Amasai, sef group 30. I ti dir: Nou avek ou, David! Nou dan ou kote, garson Zese! Lape i avek ou, e lape i avek tou bann ki sekour ou, akoz ou Bondye ki'n sekour ou. David ti resevwar zot e etabli zot koman bann zofisye son larme.

2 Kronik 15:1

Lespri Bondye ti sezi Azarya, garson Oded.

2 Kronik 20:14

Alor, lespri SENYER ti vin lo Yazyel, en levit, garson Zakari, e pti zanfan Benaya, ki sorti dan fanmir Asaf.

Psonm 51:11

Pa rezet mwan lwen avek ou; pa retir ou Lespri dan mwan.

Nonm 11:17

Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Nonm 11:25

SENYER ti desann dan nyaz e koz avek Moiz. I ti pran en pe sa lespri ki ti lo Moiz e met li lo sa 70 ansyen. Kan lespri ti vin lo zot, zot ti profetize me zot pa ti kontinyen.

Nonm 11:29

Moiz ti reponn li, “Eski ou zalou dan mon plas? Mon ti ava kontan ki SENYER i met son Lespri lo pep Izrael antye, konmsa tou dimoun ti ava profetize.”

Nonm 24:2

I ti lev son lizye e war Izrael pe kanpe par tribi. Lespri Bondye ti sezi li.

Nonm 27:18

SENYER ti dir Moiz, “Pran Zozye, garson Noun, en zonm ki mon lespri i lo li. Enpoz ou lanmen lo son latet.

Ebre 6:4

Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.

Ziz 11:29

Lespri SENYER ti lo Zefte. Zefte ti travers Galaad ek Manase e pas Mispa dan Galaad; sorti Mispa dan Galaad, i ti pas kot bann Amonit.

Ziz 11:32

Zefte ti travers frontyer e pas kot bann Amonit pour li atak zot. SENYER ti livre zot dan son lanmen.

Ziz 13:25

Lespri SENYER ti konmans travay dan Sanmson, dan Maane-Dann, ant Sorea ek Estaol.

Ziz 14:19

Alor, lespri SENYER ti desann lo li, e Sanmson ti desann Askelonn. I ti touy 30 zonm, depouy e donn bann lenz lafet avek sa bann ki ti'n eksplik sa zedmo. I ti remont kot son papa byen ankoler.

Ziz 14:6

Lespri SENYER ti pran kontrol Sanmson. Avek son lanmen pir, i ti desir sa lyon an de parey ler ou desir en pti kabri. Me i pa ti rakont son papa ni son manman sa ki i ti'n fer.

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.

Ziz 3:11

Pei ti reste dan lape pandan 40 an. Apre, Otniel, garson Kenaz ti mor.

Ziz 3:8

SENYER ti ankoler kont zot. I ti vann zot avek Kousann-Riseataim, lerwa Mezopotami. Bann Izraelit ti servi zot anba dominasyon Kousann-Riseataim pandan wit an.

Ziz 6:34

Lespri SENYER ti desann lo Zedeon. I ti fer sonn tronpet pour apel bann zonm Abiezer pour swiv li.

1 Samyel 10:10

Kan zot ti ariv Gibea, bann profet ti vin rankontre li. Lespri Bondye ti vin lo li e i ti profetize parmi zot.

1 Samyel 10:6

Lespri SENYER pou vin lo ou; i ava transform ou e ou ava profetize.

1 Samyel 11:6

Ler Sail ti antann sa parol, lespri Bondye ti sezi li e i ti pran en gran lakoler.

1 Samyel 16:13

Samyel ti pran sa korn delwil e vers lo son latet parmi tou son bann frer. Apartir sa zour, lespri SENYER ti desann lo David. Samyel ti retourn Rama.