Ziz 20:6 - Labib An Kreol Seselwa

⁶ Mon ti pran mon menazer; mon ti dekoup li an morso ki mon ti anvoy partou dan tou teritwar ki form patrimwann Izrael. Annefe, zot ti'n komet en akt imoral, en aksyon degoutan dan Izrael.

Ziz 20:6 ပူးပေါင်းရင်းမြစ်များ

Zenez 34:7

Bann garson Zakob ti arive e zot ti tre ankoler, akoz Sikenm ti'n komet en aksyon degoutan dan Izrael, ler i ti dormi avek fiy Zakob. En tel keksoz pa devre zanmen ganny komet.

Levitik 18:24

Pa rann zot enpir par okenn sa bann pratik. Se akoz sa bann pratik ki mon pe sas devan zot, sa bann nasyon ki'n rann zot enpir.

Levitik 18:30

Alor, zot ava gard tou sa ki mon'n ordonn zot. Pa pratik sa bann aksyon degoutan ki ti ganny komet avan zot. Konmsa, zot pa ava rann zot enpir. Mwan menm SENYER zot Bondye.

Zozye 7:15

Sa enn ki ganny trouve an posesyon bann lobze vole, pou ganny brile, li, avek tou sa ki i posede. I pa'n montre respe pour lalyans SENYER, e i'n komet en fot terib dan Izrael.”

Ziz 19:22

Pandan ki zot ti pe manze bann zabitan lavil, bann zonm bonnaryen, ti antour sa lakaz. Zot ti tap for lo laport. Zot ti dir sa vyeyar, met sa lakaz, “Fer sorti sa zonm ki'n antre kot ou; nou oule dormi avek li.”

Ziz 19:23

Met sa lakaz ti sorti. I ti dir zot, “Non mon bann frer; mon demann zot pa fer sa move aksyon. Sa zonm in antre kot mwan, pa fer en tel aksyon imoral.

Ziz 19:29

Ler i ti ariv kot li, i ti pran en kouto, e dekoup son menazer par morso, 12 an tou. I ti anvoy en morso kot sak tribi Izrael.

Ziz 20:10

Dan tou bann tribi Izrael, nou ava pran 10 zonm lo 100, 100 lo 1,000 e 1,000 lo 10,000. Zot ava al rod bann provizyon pour bann zonm pour ki ler zot retournen, nou ava al atak Givea dan teritwar Benzamen e pini li dapre sa aksyon degoutan ki son bann zabitan in komet dan Izrael.”