Ziz 20:13 - Labib An Kreol Seselwa

¹³ Donn nou sa bann zonm san moral dan Gibea, pour ki zot ganny touye e ki nou fer disparet dan Izrael, sa move aksyon.” Me bann Benzamit pa ti oule ekout zot bann frer Izraelit.

Ziz 20:13 ပူးပေါင်းရင်းမြစ်များ

2 Samyel 20:1

La Gilgal, ti annan en zonm san moral ki ti apel Seba, garson Bikri, sorti dan tribi Benzamen. I ti soufle tronpet e kriye, “Nou napa nanryen avek David, e nou napa okenn par avek garson Zese! Pep Izrael! Sakenn retourn se li!”

2 Samyel 23:6

Tou sa bann ki san moralite zot parey bann bison avek pikan ki ou zete ki ou pa pran avek lanmen.

1 Rwa 21:13

De zonm san moralite ti asiz an fas avek li; zot ti akiz Nabot an prezans lepep. Zot ti dir, “Nabot in modi Bondye ek lerwa.” Alor, zot ti anmenn li deor lavil, e zot ti saboul li avek ros ziska ki i ti mor.

2 Kronik 13:7

Me sa bann zans bonnaryen, bann bandi ki ti avek li, ti pli for ki Roboanm, garson Salomon. Roboanm ki ti ankor zenn e san leksperyans, pa ti kapab reziste zot.

2 Kronik 25:16

Me letan i ti pe koze lerwa ti demann li, “Lekel ki'n nonm ou konseye lerwa? Arete si ou pa oule lanmor.” Profet pa ti ensiste, me i ti dir, “Mon konnen ki Bondye in deside detri ou pour sa ki ou'n fer e ou pa'n ekout mon konsey.”

2 Kronik 25:20

Amasya pa ti pran kont sa mesaz. Annefe, Bondye ti oule livre li dan lanmen son bann lennmi, akoz i ti'n al ver bann bondye Edomit.

Proverb 29:1

Sa enn ki ganny averti me ki rezenbe pour ganny tape en sel kou e san remed.

Eklezyas 11:10

Alor, met dekote tou traka; gard maladi lwen avek ou. Lazenes i pas vit. Tousala, i zis vanite.

Oze 10:9

Izrael! Depi zafer Gibea, ou'n fer pese e ou pe kontinyen. Alor, pa i normal ki lager pou ariv ziska Gibea?

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

1 Korentyen 5:13

Annefe, Lekritir i deklare: Sas parmi zot, bann ki komet lemal.

2 Korentyen 6:15

Ki mannyer Kris i kapab tonm dakor avek dyab? Ki relasyon i kapab annan ant en krwayan ek en non-krwayan?

Deterononm 13:13

ki bann vwayou parmi zot in detourn bann zabitan lavil an dizan: Annou al ador lezot bondye, ki ou pa konnen,

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 17:12

En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 17:7

Bann temwen ava premye ki pou lev lanmen pour egzekit kondannasyon anmor. Apre, tou lepep ava lev zot lanmen. Konmsa, ou ava fer disparet sa ki mal otour ou.

Deterononm 19:19

ou ava tret li parey i ti anvi tret son prosen. Konmsa ki ou ava fer disparet lemal parmi zot.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Deterononm 22:24

ou ava anmenn tou le de devan laport sa lavil e saboul zot anmor avek ros: Sa zenn fiy, akoz i pa ti apel osekour dan lavil e sa zonm, akoz in dezonor fanm son prosen. Konmsa ou ava fer disparet lemal kot ou.

Deterononm 24:7

Si en zonm i ganny atrape pe pran pardfors en lot Izraelit pour fer li vin son lesklav oubyen pour vann li, i ava ganny touye. Konmsa ou ava fer disparet lemal parmi zot.

Ziz 19:22

Pandan ki zot ti pe manze bann zabitan lavil, bann zonm bonnaryen, ti antour sa lakaz. Zot ti tap for lo laport. Zot ti dir sa vyeyar, met sa lakaz, “Fer sorti sa zonm ki'n antre kot ou; nou oule dormi avek li.”

Ziz 20:12

Bann tribi Izrael ti anvoy bann zonm dan tou bann tribi Benzamen pour dir zot, “Ki krim ki'n ganny komet parmi zot?

Ziz 20:14

Bann Benzamit ti sorti dan zot bann lavil e rasanble Gibea pour al lager kont bann Izraelit.

1 Samyel 2:25

Si en dimoun i komet pese kont en lot dimoun, Bondye i pled pour li, me si en dimoun i komet pese kont Bondye, lekel ki pou pled pour li?” Me zot pa ti ekout zot papa, akoz SENYER ti deside ki zot devre mor.

1 Samyel 30:22

Tou sa bann move zonm, san moral, parmi bann ki ti'n al avek David, ti dir, “Sa bann zans pa pou partisip dan sa ki nou'n repran, akoz zot pa ti vin avek nou. Sak zonm ava ganny zis son fanm ek son bann zanfan, e ale.”