Ziz 20:1 - Labib An Kreol Seselwa

¹ Pep Izrael antye ti sorti e koman en sel zonm, depi Dann ziska Berseba ek Galaad ti rasanble Mispa, devan SENYER.

Ziz 20:1 ပူးပေါင်းရင်းမြစ်များ

2 Samyel 19:14

Par sa bann parol, David ti ganny leker bann zonm dan tribi Zida, konmsi zot ti en sel zonm. Zot ti anvoy sa mesaz pour David, “Retournen avek tou ou bann zonm.”

2 Samyel 2:9

La, zot ti proklanm li lerwa pour sa bann rezyon: Galaad, Aser, Zizreel, Efraim, Benzamen e Izrael antye.

2 Samyel 24:2

Alor, lerwa ti dir Zoab, sef larme ki ti avek li, “Mon demann ou al dan tou bann tribi Izrael, depi Dann ziska Berseba, e fer resansman lepep. Konmsa mon ava konnen ki kantite popilasyon i annan.”

2 Samyel 3:10

I'n promet pour repran rwayonm avek lafanmir Sail, e etabli tronn David lo pei Izrael e lo Zida, depi Dann ziska Berseba.”

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

2 Rwa 25:23

Ler tou sef bann troup, avek zot bann zonm, ti tande ki lerwa Babilonn ti'n nonm Gedalya, zot ti al Mispa kot Gedalya avek zot bann zonm: Ismael, garson Netanya, Yohanann, garson Karea, Seraya, garson Tanhoumet, en zabitan Netofat, ek Yaazania, garson en Maakatit; zot tou avek zot bann zonm.

1 Kronik 21:2

David ti dir Zoab ek tou bann sef larme, “Ale, fer resansman Izrael depi Berseba, dan Sid, ziska Dann, dan Nor, e anmenn mwan en rapor pour mwan konn kont popilasyon.”

2 Kronik 30:5

Alor, zot ti deside anvoy en proklanmasyon atraver Izrael antye, depi Berseba ziska Dann. Zot ti demann lepep pour rasanble Zerizalenm e selebre Pak an loner SENYER, Bondye Izrael. Pa bokou dimoun ti pe selebre parey ti'n ganny ordonnen.

Esdras 3:1

Kan setyenm mwan ti arive e tou bann Izraelit ti'n enstal zot dan zot lavil, lepep ti rasanble dan Zerizalenm.

Nehemi 11:27

Hatsar-Soual, Berseba ek bann vilaz dan zalantour,

Nehemi 8:1

Pep antye ti rasanble ansanm dan laplas piblik devan laport Delo. Zot ti demann skrib Esdras pour anmenn liv lalwa Moiz, ki SENYER ti'n donn Izrael.

Zeremi 40:6

Zeremi ti al reste kot Gedalya, garson Ahikanm, dan Mispa; la, i ti viv parmi bann zabitan ki ti ankor pe reste dan pei.

Nonm 32:1

Tribi Riben ek Gad ti annan bann gran troupo zannimo. Ler zot ti remarke ki teritwar Yazer ek Galaad ti bon pour elvaz zannimo,

Nonm 32:40

Alor, Moiz ti donn Makir pei Galaad, garson Manase ki ti etabli li la.

Zozye 15:38

Dileann, Mispe, Yokteel,

Zozye 17:1

Tribi Manase, premye garson Zozef, ti ganny en par. Makir, premye garson Manase, e papa Galaad, ti ganny Galaad avek Basann, akoz i ti en gerye.

Zozye 18:26

Mispe, Kefira, Moza,

Zozye 22:12

Osito ki lezot Izraelit ti aprann sa nouvel, tou lakominote Izrael ti rasanble Silo pour al atak zot.

Zozye 22:9

Alor, bann Ribenit avek bann Gadit ensi ki demi tribi Manase ti retourn kot zot. Zot ti kit lezot Izraelit Silo, dan pei Kanaan, e zot ti al dan pei Galaad, rezyon ki zot ti'n resevwar koman zot par, parey SENYER ti'n ordonnen par lentermedyer Moiz.

Zozye 4:13

Anviron 40,000 zonm arme, ti travers larivyer Zourden devan SENYER, pare pour konba. Zot ti al dan direksyon laplenn sek Zeriko.

Ziz 10:17

Bann Amonit ti ganny konvoke. Zot ti al kanp dan Galaad. Bann Izraelit ti rasanble e al kanp Mispa.

Ziz 11:11

Konmsa ki Zefte ti al avek bann ansyen sorti Galaad. Lepep ti pran li koman zot sef e zot komandan. Zefte ti repet tou sa bann parol devan SENYER, dan Mispa.

Ziz 11:34

Ler Zefte ti pe retourn kot li Mispa, son fiy ti sorti pour rankontre li avek bann tanbouren ek ladans. Sa fiy ti son sel zanfan. Apard li, Zefte ti napa okenn garson ni fiy.

Ziz 18:29

Zot ti apel sa lavil Dann, non zot zanset Izrael. Me oparavan, sa lavil ti apel Lais

Ziz 20:11

Konmsa, tou zonm Izraelit ti rasanble kont sa lavil, ini koman en sel zonm.

Ziz 20:18

Bann Izraelit ti mont Betel pour konsilte Bondye: Lekel parmi nou ki pou al premye pour lager kont bann Benzamit? SENYER ti reponn: Zida ki pou al premye.

Ziz 20:2

Tou bann sef lepep antye, tou bann tribi Izrael ti prezan devan sa lasanble pep Bondye: 400,000 zonm apye ki ti konn servi lepe.

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

Ziz 20:8

Lepep antye ti leve e, koman en sel zonm, zot ti dir, “Personn parmi nou pa pou retournen, personn pa pou retourn kot li.

Ziz 21:5

Bann Izraelit ti dir: Lekel parmi tou bann tribi Izrael ki pa'n mont dan lasanble devan SENYER? Annefe, dan serman solannel ki zot ti fer Mispa, zot ti dir ki sa enn ki pa ankor mont kot SENYER ava ganny touye.

1 Samyel 10:17

Samyel ti konvok lepep devan SENYER Mispa.

1 Samyel 3:20

Pep Izrael antye, depi Dann ziska Berseba, ti konnen ki SENYER ti'n swazir Samyel koman son profet.