Ziz 2:7 - Labib An Kreol Seselwa

⁷ Lepep ti servi SENYER toultan ki Zozye ti vivan e toultan ki bann ansyen ti viv ankor apre Zozye, zot ki ti'n war sa gran mervey ki SENYER ti'n akonpli pour pep Izrael.

Ziz 2:7 ပူးပေါင်းရင်းမြစ်များ

2 Rwa 12:2

Zoas ti fer tou sa ki fer plezir SENYER pandan tou son lavi, akoz i ti ganny elve par pret Yoyada.

2 Kronik 24:2

Zoas ti fer plezir SENYER pandan letan ki pret Yoyada ti vivan.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Zozye 24:31

Izrael ti servi SENYER tou dilon lavi Zozye, e tou dilon lavi bann ansyen ki ti reste vivan apre Zozye e ki ti konn tou bann mervey ki SENYER ti'n fer an faver Izrael.

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.

Ziz 2:6

Apre ki Zozye ti'n fer ale lepep, bann Izraelit ti retourn sakenn dan son propriyete, pour pran posesyon pei.

Ziz 2:8

Zozye, garson Noun, serviter SENYER, ti mor laz 110 an.