Ziz 2:5 - Labib An Kreol Seselwa

⁵ Zot ti apel sa landrwa Bokim, savedir Plere, e zot ti ofer bann sakrifis SENYER, lanmenm la.

Ziz 2:5 ပူးပေါင်းရင်းမြစ်များ

Zenez 35:8

Debora, nouris Rebeka, ti mor, e i ti ganny antere anba en pye dibwa sakre, Betel. Zot ti apel sa landrwa Alon-Bakout, savedir pye dibwa larm.

Zozye 7:26

Zot ti met en gro ta ros lo li, ki ankor la ozordi. Alor, gran lakoler SENYER ti kalme. Pour sa rezon, sa vale i apel: Vale Akor ziska ozordi.

Ziz 13:19

Manoa ti pran en pti kabri avek en lofrann vezetal ki i ti ofer lo en ros an loner SENYER ki fer bann mervey. Pandan ki Manoa ti pe regarde avek son fanm,

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

Ziz 2:4

Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Ziz 2:6

Apre ki Zozye ti'n fer ale lepep, bann Izraelit ti retourn sakenn dan son propriyete, pour pran posesyon pei.

Ziz 6:24

Dan sa landrwa, Zedeon ti konstri en lotel an loner SENYER; i ti apel sa landrwa “SENYER i lape”. Sa lotel i ankor la, dan lavil Ofra kot klan Abiezer.

1 Samyel 7:9

Samyel ti pran en pti mouton ki ti ankor pe tete, e ofer koman sakrifis konplet devan SENYER. Samyel ti enplor SENYER pour pep Izrael, e SENYER ti reponn.